टिम लोकप्रवाह, चोपडा दि. ०१ जुलै – राज्याचे उपमुख्यमंत्री देवेंद्र फडणवीस यांच्या उपस्थितीत नुकताच भाजपात प्रवेश केलेले जिल्हा दुध संघाचे संचालक रोहीत निकम यांचा शासकीय विश्रामगृह येथे भारतीय जनता पार्टी व भाजपा युवा मोर्चाच्यावतीने जाहीर सत्कार करीत त्यांना पुढील वाटचालीस शुभेच्छा देण्यात आल्या. रोहित निकमांची पक्षात एंट्री झाल्यामुळे चोपडा भाजपात नवीन जोश आल्याचे दिसून येत आहे. याचा फायदा आगामी निवडणुकांमध्ये भारतीय जनता पक्षाला होणार हे मात्र नक्की!
यावेळी भाजपाचे जेष्ठ नेते शांताराम पाटील, माजी पंचायत समिती सभापती आत्माराम म्हाळके, विधानसभा निवडणुक प्रमुख गोविंद सैदाणे, प्रदिप पाटील, शहराध्यक्ष गजेंद्र जयस्वाल, युवा मोर्चा तालुकाध्यक्ष प्रकाश पाटील, तुषार पाठक, गोपाल पाटील, मिलिंद वाणी आदिंसह भारतीय जनता पार्टी व भाजपा युवा मोर्चाचे इतर पदाधिकारी व कार्यकर्ते मोठ्या संख्येने उपस्थित होते.
