टिम लोकप्रवाह, चोपडा दि. ०९ जुलै – येथील कृषी उत्पन्न बाजार समितीच्या वतीने दि. ८ रोजी आमदार लताताई सोनवणे यांच्या शुभहस्ते तर माजी आ. चंद्रकांत सोनवणे यांच्या उपस्थितीत विविध विकास कामांच्या योजनांचा शुभारंभ करण्यात आला. यात कृषी उत्पन्न बाजार समिती आवारात वृक्षारोपण, शुद्ध पिण्याच्या पाण्याचे शुद्धिकरण यंत्र (आरओ) व वॉटर कुलर, हमाल मापाडींसाठी आरोग्य तपासणी शिबिर तसेच हमाल – मापाडी यांच्या मुलांसाठी शैक्षणिक साहित्य व वह्यावाटप असे विविध समाजोपयोगी कार्यक्रम यावेळी संपन्न झाले.
यावेळी कृषी उत्पन्न बाजार समितीच्या वतीने आ. लताताई सोनवणे यांचा सत्कार सभापती नरेंद्र पाटील यांच्या हस्ते करण्यात आला. यावेळी महाराष्ट्र व केंद्र शासनाकडून राष्ट्रीय अन्न सुरक्षा अभियानंर्गत दिले जाणाऱ्या बियाण्यांचे कृषी विभागाकडून लाभार्थीना मोफ़त वाटप करण्यात आले. यामध्ये कापूस, उडीद, तूर, सोयाबीन, नाचणी, बाजरी, भुईमुग, भात, मका, वरई/भगर आदी बियाण्यांचा समावेश होता. सदर वाटप आ. लताताई सोनवणे यांच्या हस्ते करण्यात आले. यावेळी लाभार्थी शेतकऱ्यांच्या चेहऱ्यावर समाधान दिसत होते. तसेच महाराष्ट्र शासनाद्वारे १ रुपयात दिला जाणारा पीक विमाही काढण्यात आला. सदर विमा अनेक शेतकऱ्यांनी काढला.
यावेळी जिल्हा बँक संचालक घनश्याम अग्रवाल, कृषी उत्पन्न बाजार समितीचे सभापती नरेंद्र पाटील, उपसभापती विनायक चव्हाण, संचालक अॕड. घनश्याम पाटील, नितीन पाटील, सुकलाल कोळी, किरण देवराज, नंदकिशोर पाटील, रोहित निकम, माजी उपनगराध्यक्ष विकास पाटील, सुनंदा पाटील, गोपाल चौधरी, सुनील बरडीया, सागर ओतारी, विक्की डॉक्टर, मिलींद पाटील, शिवराज पाटील, सुनील अग्रवाल आदिंसह शिवसेनेचे कार्यकर्ते, पदाधिकारी आदिंची उपस्थिती होती.
याप्रसंगी तालुका कृषी विभागातर्फे तालुका कृषी अधिकारी दीपक साळुंखे व कर्मचारी हजर होते. तर आरोग्य तपासणी शिबीरासाठी उपजिल्हा रुग्णालयाचे वैद्यकीय अधिक्षक डॉ. सुरेश पाटील, वैद्यकीय अधिकारी डॉ. निलिमा देशमुख, मेडीकल कोआॕर्डीनेटर डॉ. दिनेश सोनवणे आदिंसह इतर कर्मचारी हजर होते.
