टिम लोकप्रवाह, चोपडा दि. १४ जुलै – येथील महात्मा गांधी शिक्षण मंडळ संचलित ऑक्सफर्ड इंग्लिश मीडियम स्कूल येथे विद्यार्थी परिषदेच्या विद्यार्थी सदस्यांचा शपथ ग्रहण समारोह मोठ्या उत्साहात संपन्न झाला. यावेळी संस्थेचे अध्यक्ष अॕड. संदीप पाटील, सचिव डॉ. स्मिता पाटील, चोपडा व्यापारी महामंडळ अध्यक्ष अमृतराज सचदेव, मुख्याध्यापिका ममता कपिल न्याती, उपमुख्याध्यापक अमन पटेल आणि पालक वर्ग उपस्थित होते. याप्रसंगी विविध विभागप्रमुख विद्यार्थ्यांना शपथ देण्यात आली. तसेच विविध क्षेत्रात यश प्राप्त केलेल्या विद्यार्थ्यांचा सन्मान देखील यावेळी करण्यात आला.
प्रारंभी मान्यवरांच्या हस्ते दीपप्रज्वलन करण्यात आले. याप्रसंगी इ. ८ वीच्या विद्यार्थ्यांनी स्वागतगीत सादर केले. त्यासाठी संगीतशिक्षिका अश्विनी ढबू यांचे मार्गदर्शन लाभले. शारदामातेला वंदन करणारे नृत्य इ. ७ वीच्या विद्यर्थिनीनी सादर केले. त्यासाठी नृत्यशिक्षिका दिपाली पाटील यांचे मार्गदर्शन लाभले. मुलांचा प्रमुख विद्यार्थी प्रतिनिधी म्हणून इयत्ता दहावीचा विद्यार्थी मोहित भागवत पाटील आणि मुलींची प्रमुख विद्यार्थिनी प्रतिनिधी म्हणून पूर्वी पवन अग्रवाल यांनी शपथ ग्रहण केली. विविध विभागातील विद्यार्थी प्रतिनिधींनी देखील यावेळी शपथ घेतली. यात खेळ विभागप्रमुख म्हणून अनिकेत साळुंखे व जिनिषा क्षीरसागर, सांस्कृतिक विभागप्रमुख म्हणून पियुष पाटील व आदिती सिंधी, शिस्त विभागप्रमुख म्हणून देवांशू पाटील व रिद्धीमा सोनवणे, रेड (Red) हाऊस लीडर जयेश पाटील व अंजली पोळ, येलो (yellow) हाऊस लीडर प्रियांषू पाटील व तन्वी पाटील, ग्रीन (Green) हाऊस लीडर मनीष शिरसाठ व मंदाश्री पाटील, ब्लू (Blue) हाऊस लीडर राजवीर पाटील व रोहित मराठे यांनी देखील शपथ घेतली. प्रास्ताविक मुख्याध्यापिका ममता कपिल न्याती यांनी केले. संस्थेचे अध्यक्ष अॕड. संदीप पाटील यांनी विद्यार्थ्यांना मार्गदर्शन केले. विद्यार्थी प्रतिनिधी मोहित पाटील आणि पूर्वी अग्रवाल यांनी देखील विद्यार्थ्यांना संबोधित केले. याप्रसंगी विविध क्षेत्रात यश संपादन करणाऱ्या विद्यार्थ्यांचा व त्यांच्या पालकांचा सत्कार करण्यात आला. अंजली पोळ आणि जीनिषा क्षीरसागर यांना गर्ल्स डबल चॅम्पियनशिप मध्ये प्राप्त केलेल्या यशाबद्दल सन्मानित करण्यात आले. शार्ली महाजन आणि तनिष्क माळी यांना कराटे चॅम्पियनशिप मध्ये यश मिळविल्याबद्दल सन्मानित करण्यात आले. शाळेचा माजी विद्यार्थी शब्बीर ख़ुज़म अनीस याने JEE आणि MHT-CET मध्ये प्राप्त उल्लेखनीय यशाबद्दल त्यास सन्मानित करण्यात आले.
कार्यक्रमाचे सूत्रसंचालन अमन पटेल, विशाल मराठे, दीप्ती पाटील व पूजा चौधरी यांनी केले तर आभारप्रदर्शन भूषण गुजर यांनी केले. कार्यक्रमाच्या यशस्वीतेसाठी सर्व शिक्षक व शिक्षकेतर कर्मचाऱ्यांनी परिश्रम घेतले.
