टिम लोकप्रवाह, चोपडा दि. 31 जुलै– येथील रोटरॅक्ट क्लब ऑफ चोपडा व समाजकार्य महाविद्यालयातील विद्यार्थी विकास विभाग यांच्यावतीने ३० जूलै ते ३ ऑगस्ट दरम्यान ‘वृक्ष लागवड व संवर्धन कार्यक्रम’ राबविण्यात येत आहे. याचा शुभारंभ दि.३० रोजी समाजकार्य महाविद्यालयाच्या आवारात उपप्राचार्य तथा सहाय्यक विद्यार्थी विकास अधिकारी प्रा. डॅा. आशिष गुजराथी यांच्याहस्ते वृक्षारोपण करून झाला.
यानंतर रामगोपाल गोशाळा, समाजकार्य महाविद्यालय व शासकीय विश्रामगृह या परीसरात वड, जांभूळ, कडुलिंब व पिंपळ या वृक्षांची लागवड करण्यात आली.
या कार्यक्रमाअंतर्गत चोपडा शहरासह ग्रामीण भागात विविध वृक्षांची ट्रिगार्डसह लागवड करून त्यांच्या संगोपनाची जबाबदारी रोटरॅक्ट क्लबने स्वीकारली आहे.
यावेळी रोटरॅक्ट क्लबचे अध्यक्ष अनिल बाविस्कर, सचिव गौरव जैन, खजिनदार मयूरेश जैन, माजी अध्यक्ष दिव्यांक सावंत, सदस्य मयांक जैन, अॅड.प्रणव ठाकरे, योगेश चौधरी, सौरभ ठाकरे यांच्यासह समाजकार्य महाविद्यालयातील प्रा. डॅा. विनोद रायपूरे, कार्यालय अधीक्षक सोमनाथ बारी, लेखापाल अमोल गुजराथी, नितीन पवार, देवेंद्र पाटील, कैलास महाजन आदी उपस्थित होते.
