टिम लोकप्रवाह, चोपडा दि. ०8 – गोंडगांव ता. भडगांव येथील ७ वर्ष वय असलेल्या चिमुकलीसोबत अमाणूषपणे कृत्य करुन निर्घुण खुन करणारा आरोपी व त्याला सहकार्य करणारे सहआरोपी यांना फाशीची शिक्षा व्हावी याबाबत सकल मराठा समाज, मराठा क्रांती मोर्चा, सर्व पुरोगामी विचारसरणी संघटना तसेच सुजाण नागरिकांच्या वतीने मोर्चा काढून चोपडा तहसीलदार भाऊसाहेब थोरात यांना निवेदन देण्यात आले.
बालिकेच्या हत्येप्रकरणी सीआयडी चौकशी करण्यात यावी. सदर केस ही जलदगती न्यायालयात चालविण्यात येवून केसचे कामकाज विधीतज्ञ अॕड. उज्ज्वल निकम यांच्याकडे देण्यात यावे. त्याबरोबरच पीडीत कुटूंबाला आर्थिक मदत मिळावी. आरोपीला मुत्युदंडाची शिक्षा व्हावी व पीडीत बालीकेला न्याय मिळवून द्यावा असे निवेदनामध्ये नमूद करण्यात आले आहे.
सदर निवेदनावर रविंद्र मराठे, आत्माराम मराठे, मनोज विसावे, विठ्ठल मराठे, सोपान मराठे, प्रताप मराठे, भरत कोळी, पुरुषोत्तम साळुंखे, रविंद्र पाटील, अशोक मराठे, श्रीराम चौधरी, राहुल मराठे आदिंसह इतरांच्या स्वाक्षर्या आहेत.
