टिम लोकप्रवाह, चोपडा दि. ११ : शहर व तालुका पत्रकार बांधवांतर्फे पाचोरा येथील पत्रकारावर भ्याड हल्ला करणाऱ्यांवर पत्रकार संरक्षण कायद्यान्वये गुन्हा दाखल करुन कडक कारवाई करावी अशा मागणीचे निवेदन तहसीलदार भाऊसाहेब थोरात व पोलिस निरीक्षक के. के. पाटील यांना देण्यात आले. तात्काळ कारवाई न झाल्यास तीव्र स्वरुपाचे आंदोलन छेडण्यात येईल असा इशाराही यावेळी देण्यात आला.
पाचोरा येथील पत्रकार संदीप महाजन यांना काही दिवसाअगोदर पाचोऱ्याचे आमदार किशोर पाटील यांनी अत्यंत खालच्या पातळीची शिवीगाळ करून मारहाण करणे बाबत धमकी दिली होती. त्यानंतर दिनांक ०९/०८/ २०२३ रोजी पत्रकार संदीप महाजन वृत्तांकनावरून घरी परत येत असतांना त्यांच्यावर तीन ते चार इसमांनी भ्याड हल्ला करीत त्यांना जबर जखमी केले. सदर भ्याड हल्ला हा आमदार किशोर पाटील यांच्याच कार्यकर्त्यांनी केल्याचा आरोप पत्रकार संदीप महाजन यांनी केला आहे. या भ्याड हल्ल्याचा चोपडा तालुक्यातील सर्व पत्रकार बांधवांनी एकत्रित येत जाहीर निषेध केला. व भ्याड हल्ला करणारे तसेच त्यामागे असणाऱ्या मास्टरमाइंडवर पत्रकार संरक्षण कायद्यांतर्गत गुन्हा दाखल करावा तसेच पत्रकार संदीप महाजन व त्यांच्या कुटुंबियांना पोलीस संरक्षण देण्तात यावे अशी मागणी निवेदनाद्वारे करण्यात आली आहे.
यावेळी शाम जाधव, संजय सोनवणे, अनिल पालीवाल, मिलिंद सोनवणे, प्रविण पाटील, पंकज पाटील, सुनिल पाटील, श्रीकांत नेवे, चंद्रकांत पाटील, उमेश नगराळे, लतीष जैन, संजय बारी, तुषार सूर्यवंशी, सचिन जैस्वाल, विश्वास वाडे, महेश शिरसाठ, हेमकांत गायकवाड, संदिप ओली, मन्सूर तडवी, शुभम माळी, नंदलाल मराठे, मिलिंद वाणी, विनायक पाटील, समाधान कोळी, आत्माराम पाटील, जितेंद्र शिंपी, जगन्नाथ बाविस्कर, शुभम साळूंके आदींंसह इतय पत्रकार बांधव मोठ्या संख्येने उपस्थित होते.
