टिम लोकप्रवाह, चोपडा दि. १७ – स्वातंत्र्याच्या अमृत महोत्सवी वर्षाचा सांगता सोहळा संपूर्ण देशभर जल्लोषात साजरा होत असतांना रोटरी क्लब ऑफ चोपडा आणि नगरपरिषद, चोपडा यांच्या संयुक्त विद्यमाने स्वातंत्र्यदिनाच्या पार्श्वभूमीवर शहरातील माध्यमिक व कनिष्ठ महाविद्यालयीन विद्यार्थ्यांसाठी राष्ट्रभक्तीपर समूह गीत गायनाच्या स्पर्धेचे दरवर्षी प्रमाणे यंदाही आयोजन करण्यात आले होते. याप्रसंगी भारतमातेच्या प्रतिमेला माल्यार्पण करून स्पर्धेला सुरुवात करण्यात आली. यावेळी नगरपरिषदेचे उप मुख्याधिकारी निलेश ठाकूर, रोटरी क्लब चोपडाचे अध्यक्ष रोटे. चेतन टाटिया, मानद सचिव अर्पित अग्रवाल, प्रकल्प प्रमुख पंकज पाटील, सहप्रकल्प प्रमुख चंद्रशेखर साखरे व स्पर्धा परिक्षक शिवरंजनी संगीत विद्यालयाचे मनोज चित्रकथी, विजय पालिवाल, प्रीती गुजराथी यांची प्रमुख उपस्थिती होती.
यामध्ये प्रताप विद्या मंदिराने दोन गटात प्रथम व एका गटात कनिष्ठ महाविद्यालयाने तृतीय क्रमांक मिळवून आपला झेंडा रोवला तर मोठ्या गटात महात्मा गांधी कला, विज्ञान व वाणिज्य कनिष्ठ महाविद्यालयानी आपला झेंडा रोवला. सदर स्पर्धेमध्ये पंकज ग्लोबल पब्लिक स्कुल, पंकज विद्यालय, महिला मंडळ माध्य. विद्यालय व कनिष्ठ महाविद्यालय, विवेकानंद माध्य. विद्यालय आदिंनी सहभाग घेत यश मिळविले. यामध्ये जवळपास २० संघानी सहभाग घेतला होता.
सर्व विजेत्या संघाना उप मुख्याधिकारी निलेश ठाकूर, चोपडा रोटरी पदाधिकारी, स्पर्धा परिक्षक व रोटे. व्ही . एस . पाटील, विलास पी. पाटील, चंद्रशेखर साखरे, विपुल छाजेड, प्रदीप पाटील आदिंच्या हस्ते स्मृतिचिन्ह व सहभाग प्रमाणपत्र देण्यात आले. सदर स्पर्धेचे प्रास्ताविक रोटे. चेतन टाटिया यांनी तर सूत्रसंचालन रोटे. राधेश्याम पाटील व प्रीती सरवैय्या पाटील यांनी केले.
