टिम लोकप्रवाह, चोपडा दि. १३ – येथील पंकज ग्लोबल स्कूल मध्ये नुकतेच कबड्डीचे सामने पार पडले. या कबड्डी स्पर्धेत तालुक्यातील एकूण 38 संघ सहभागी झाले होते. यामध्ये येथील महात्मा गांधी शिक्षण मंडळ संचालित माध्यमिक विद्यालयातील 14 वर्षे आतील मुलांचा संघ विजयी झाला आहे त्यामुळे त्यांची जिल्हास्तरावर होणाऱ्या स्पर्धेसाठी निवड करण्यात आली आहे. या संघाने तालुक्यातीलच धानोरा येथील झि. तो. महाजन माध्यमिक व उच्च माध्यमिक विद्यालयातील संघास नमवून तालुकास्तरावर प्रथम क्रमांक पटकाविला आहे.
सदर संघाला क्रीडा शिक्षक अशोक साळुंखे यांचे मार्गदर्शन लाभले. विजयी संघाचे महात्मा गांधी शिक्षण मंडळाचे अध्यक्ष ॲड. संदीप सुरेश पाटील, उपाध्यक्षा आशा पाटील, सचिव डॉ. स्मिता संदीप पाटील व संचालक मंडळाकडून अभिनंदन करण्यात आले. चोपडा तालुका क्रिडा समन्वयक रविंद्र आल्हाट, विद्यालयाचे मुख्याध्यापक निळकंठ सोनवणे आणि इतर सर्व शिक्षकांनी या विद्यार्थ्यांचे अभिनंदन केले.
