टिम लोकप्रवाह, चोपडा दि. १७ – आदिवासी विकास विभागाकडून अनुदानित व शासकीय आश्रम शाळेतील प्राथमिक व माध्यमिक मुख्याध्यापक, प्राथमिक, माध्यमिक व उच्च माध्यमिक शिक्षक यांच्या क्षमता चाचणी परीक्षेचे आयोजन करण्यात आले होते. यावेळी यावल आदिवासी विकास प्रकल्प कार्यालयांतर्गत एकूण 681 शिक्षकांची परीक्षा आज रोजी शहरातील चोपडा महाविद्यालयात घेण्यात येणार होती. मात्र तब्बल 680 शिक्षकांनी सदर परीक्षेकडे पाठ फिरवत बहिष्कार टाकला. यावेळी शंभर टक्के बहिष्कार यशस्वी झालेला असून शासनाच्या अन्यायविरुध्द कर्मचारीवर्गाने एकीचे बळ दाखवून दिले असल्याचे दिसून आले.
याप्रसंगी स्वाभिमानी शिक्षक व शिक्षकेतर कर्मचारी संघटनेचे राज्य अध्यक्ष भरजी पटेल यांच्या मार्गदर्शनाखाली राज्य उपाध्यक्ष विजय कचवे, राज्य सहकार्यवाह भूपेंद्र पाटील, जिल्हा कार्याध्यक्ष भालचंद्र पवार, तालुका अध्यक्ष विकास पाटील, हिवराळे, सत्रासेन संस्थेचे उपाध्यक्ष धनंजय भादले तसेच मुख्याध्यापक संदीप पाटील, जगदीश महाजन, भगवान भालेराव, दिपक पाटील, शिरसाट, वाघ, मधुकर भोई, निलेश धनगर, लांबोळे, गोपाल पाटील, विकास पाटील, सुनील कन्हैये, योगेश पाटील, उदय वानखेडे, विकास कोळी, नरेंद्र देसले, गजानन पाटील, विकास रामदास पाटील, विशाल भोई, हितेंद्र पाटील, जाधव आदिंसह संघटनेचे इतर पदाधिकारी व सदस्य उपस्थित होते.
