टिम लोकप्रवाह, चोपडा दि. ०६ – शहरातील सर्वसामान्य व गोरगरीब नागरिकांना आरोग्य सेवा मिळावी या उद्देशाने 15 व्या वित्त आयोगाअंतर्गत सुंदरगढी व मल्हारपुरा या दोन ठिकाणी शहरी आरोग्यवर्धीनी केंद्र तथा आयुष्मान आरोग्य मंदिर या आरोग्य केंद्रांचा शुभारंभ आज चोपडा तालुक्याच्या आमदार लताताई सोनवणे यांचे शुभ हस्ते व माजी आमदार प्रा. चंद्रकांत सोनवणे यांच्या प्रमुख उपस्थितीत संपन्न झाला. शहरातील सामान्य व गोरगरीब नागरिकांना योग्यरितीने आरोग्यसेवा पुरविण्यासाठी आरोग्य विभागामार्फत सदर आरोग्य केंद्राचा शुभारंभ करण्यात आला आहे. या आरोग्य केंद्रामध्ये बाह्य रुग्णसेवा, मोफत औषधोपचार, मोफत चाचण्या, गर्भवती मातांची तपासणी, लसीकरण आदि सेवा घराजवळच उपलब्ध होणार असून सदर सेवांचा नागरिकांनी लाभ घ्यावा, असे आवाहन आमदार लताताई सोनवणे यांनी केले.
यावेळी तालुका आरोग्य अधिकारी डॉ. प्रदीप लासूरकर, वैद्यकीय अधिकारी डॉ. मयुरेश जैस्वाल, डॉ. महेश लाडे, चोपडा कृषी उत्पन्न बाजार समिती सभापती नरेंद्र पाटील, पंचायत समिती माजी उपसभापती एम. व्ही. पाटील, महीला आघाडी तालुका प्रमुख मंगला पाटील, शितल देवराज सरपंच गलंगी, संचालक कृउबा गोपाल पाटील, अन्नु ठाकुर, गणेश पाटील सरपंच वाळकी, प्रताप आण्णा, मंगल इंगळे, राजेंद्र पाटील, विकास पाटील, कैलास बाविस्कर, प्रकाश राजपूत, विजय वाघ, सागर ओतरी, दिव्यांक सावंत, प्रमोद बारी, दिपक चौधरी, किरण देवराज तसेच स्थानिक शिवसेना पदाधिकारी आदिंसह आरोग्य सेविका, आशा स्वयंसेविका व इतर आरोग्य कर्मचारी यांची उपस्थिती होती. सदर कार्यक्रम यशस्वीतेसाठी नदीम शेख, गजानन करंदीकर व दिनेश बारेला आदींनी परिश्रम घेतले.
