टिम लोकप्रवाह, वर्धा दि. २३ : तालुक्यातील पिपरी मेघे ग्रामपंचायती अंतर्गत येणाऱ्या न्यु म्हाॅडा कॉलनी वार्ड नं. 6 येथील बाल शारदा पुजा उत्सव समिती च्या वतीने दिनांक 22 जानेवारी 2024 रोजी अयोध्यापती कौशल्या नंदन भगवान श्री रामलला मंदिर प्राणप्रतिष्ठा स्थापन च्या पावनपर्वा क्षणी परिसरातील समस्त सर्व जेष्ठ नागरिक, महिला तरुण वर्ग व बालगोपालांनी हा क्षण अतिशय भक्तिमय वातावरणात आणि आनंदी उत्साहात व जल्लोषात पार पाडला. या अविस्मरणीय अशा कार्यक्रमाला परीसरातील समस्त नागरिकांचा मोठ्या प्रमाणात उत्स्फुर्त सहभाग होता. यावेळी प्रभु श्रीरामांच्या जयघोषाणे संपुर्ण परिसर दणाणून गेला होता. तसेच भगव्या पताका व रोशणाईने संपुर्ण परिसर उजळून निघाला होता. हनुमान मंदिर देवस्थानात मनोभावे पुजा करुन आरती करण्यात आली व प्रसादाचे वाटप करण्यात आले.
यावेळी आकाश सायंकार, अमित तिखे, निखिल कुटेमाटे, विजय सायंकार, दादु नेहारे, जय पेढेकर, श्रीकांत पिंपळे, विक्की मांढवगडे, सागर झाडे, निखिल बुरघाटे, बिट्टु पलेरीया मंथन भोयर आदिंसह परिसरातील इतर तरुणवर्गाची उपस्थिती होती.
