टिम लोकप्रवाह, चोपडा दि.२८ – अनेक वर्षांपासून मागणी असलेल्या मराठा समाज बांधवांना आरक्षण मिळाल्याने मराठा बांधवांकडून चोपडा येथे छत्रपती शिवाजी महाराज यांना वंदन करून फटाके फोडत पेढे वाटप करून आनंद व्यक्त करीत जल्लोष करण्यात आला. यावेळी महात्मा गांधी चौकातून विजयी रॅली काढण्यात येऊन मेन रोड डॉ. बाबासाहेब आंबेडकर चौक, छत्रपती शिवाजी महाराज चौकात रॅलीचा समारोप करण्यात आला. यावेळी एक मराठा लाख मराठा, मनोज जरांगे पाटील यांचा विजय असो अशा घोषणा देण्यात आल्या.
मराठा आरक्षण लढ्याचे मुख्य मनोज जरांगे पाटील यांच्या सर्व मागण्या मान्य करीत राज्याचे मुख्यमंत्री एकनाथ शिंदे यांनी समाजाला न्याय दिल्याने मराठा समाज बांधवांनी विजयी मिरवणूक काढून छत्रपती शिवाजी महाराज चौकात समारोप केला. दि.२७ रोजी संध्याकाळी पाच वाजता फटाके फोडून पेढे वाटत आनंद व्यक्त केला. छत्रपती शिवाजी महाराज की जय अशा घोषणा यावेळी देण्यात आल्या.
याप्रसंगी राजेंद्र पाटील, प्रमोद बोरसे पाटील, मंगेश भोईटे, दिनेश बोरसे, भटू पाटील, विकास शिर्के, किशोर चौधरी, नंदकिशोर सोनवणे, रणजित निकम डॉ. रविंद्र निकम, एकनाथ पाटील, जगदीश पवार, अभिजित देशमुख, नितीन निकम, नितीन पाटील, संजय पाटील, अशोक साळुंखे, प्रा.संदीप पाटील, रविंद्र मराठे, समाधान पाटील, जे पी पाटील, गुलाब पाटील, अजय राजपूत, किरण पाटील, पंकज शिंदे, बाबा देशमुख यासह शेकडो समाजबांधव उपस्थित होते.
