टिम लोकप्रवाह, चोपडा दि. ३० – येथील महात्मा फुले नागरी सहकारी पतसंस्थेच्या सन 2023- 2028 या पंचवार्षिक मुदतीच्या संचालक मंडळाची निवडणुक बिनविरोधपणे पार पडली. यामध्ये पतसंस्थेच्या चेअरमनपदी सतिष दिपचंद माळी तर व्हाईसचेअरमन म्हणून रविंद्र दिगंबर माळी यांची बिनविरोध निवड झाली. या निवडीबद्दल त्यांच्यावर सर्व स्तरातून अभिनंदनाचा वर्षाव होत आहे.
महात्मा फुले नागरी सहकारी पतसंस्थेच्या संचालक मंडळामध्ये चेअरमन म्हणून सतिष दिपचंद माळी, व्हाईसचेअरमन म्हणून रवींद्र डिगंबर माळी तर संचालकपदी मोतीराम धडू माळी, शांताराम रामा माळी, विठ्ठल राजाराम माळी, पांडुरंग खंडू तायडे, सुशीला गोविंदा महाजन, रंजना दगडू माळी, युवराज दगडू माळी, दगडू सुकलाल धनगर, भगवान भिकारी बाविस्कर व स्वीकृत सदस्य म्हणून नामदेव राजाराम महाजन व छगन देवराम महाजन आदिंची बिनविरोध निवड झाली.
याप्रसंगी निवड झालेल्या सर्व संचालक मंडळाचे अभिनंदन व शुभेच्छा देण्यात आल्या. यावेळी समस्त फुलमाळी समाज चे उपाध्यक्ष पुंडलिक महाजन, खजिनदार दगडू माळी, सदस्य छगन माळी, नामदेव महाजन, खंडू महाजन, दीपक महाजन, योगराज महाजन, शालिक महाजन, बापू महाजन, दशरथ महाजन, शांताराम माळी, समाधान माळी, दौलत माळी आदिंसह इतर पदाधिकारी उपस्थित होते.
