टिम लोकप्रवाह, चोपडा दि. ०४ – येथील वनक्षेत्रपाल यांना मिळालेल्या गुप्त बातमीवरुन दि. 02/ 02/ 2024 रोजी सत्रासेन गावाच्या पश्चिम दिशेला असलेल्या एक कौलारु घरात मुद्देमाल असल्याची माहिती मिळाली. त्याअनुषंगाने तेथील पोलीस पाटील यांना सोबत घेवून सदर ठिकाणी छापा टाकून झडती घेतली असता साग चौपट नग-(पलंग सह)-53, घ. मी.0.401 इलेक्ट्रिक कटर मशिन नग-01, व इतर साहित्य असे आढळून आले. या सर्व मालाची अंदाजित किंमत 69832/- इतकी आहे.
सदर कार्यवाही यावल वनविभाग उपवनसंरक्षक जामिर शेख, विभागीय वनधिकारी (दक्षता) धुळे एस. एस. मोरे, सहाय्यक वनसंरक्षक प्रथमेश हडपे यांचे मार्गदर्शनाखाली
चोपडा वनरिक्षेत्र अधिकारी बी. के. थोरात यांच्या नेतृत्वात रेंज स्टाफ वनपाल आर. एस. मोरे, के. एल. धनगर, एस. एम. पावरा, एम. बी. पाटील, वनरक्षक एस. के. कंखरे, सीमा भालेराव, रीला पावरा, रोहित पावरा, प्रवीण बागुल, सोनाली बारेला, विजया पावरा, सुरेखा सोनवणे, अमोल पाटील, शुभम पाटील, सरला भोई, वाहन चालक गोविंदा चौधरी, मदन मराठे आदिंच्या पथकाने केली आहे.
यामध्ये सत्रासेंन, उमर्टी व लासुर या परिमंडळातील कायम व रोजंदारी वनमजुर यांनी सुद्धा मदत केली.
