लोकप्रवाह, चोपडा दि. २५ जून – तालुक्यातील बिडगाव येथील प्राथमिक आरोग्य उपकेंद्रात चोपडा रोटरी क्लबतर्फे आरोग्य तपासणी शिबीर व मोफत औषधींचे वाटप करण्यात आले. या कार्यक्रमाच्या अध्यक्षस्थानी तालुका वैद्यकीय अधिकारी डॉ. प्रदीप लासूरकर हे होते. सदर शिबीरात बिडगाव परिसरातील मोहरद, कुंड्यापाणी, चांदण्या तलाव या गावांसह इतर दहा आदिवासी गावातील ४०० जणांनी लाभ घेतला.
यावेळी आरोग्य तपासणी करीत मोफत औषधीचे वाटपसुद्धा करण्यात आले.
या शिबीरामध्ये स्त्रीरोग तज्ञ डॉ. पराग पाटील, डॉ.नीता जैस्वाल, डॉ.अमोल पाटील, बालरोग तज्ञ डॉ. प्रफुल्ल पाटील, नेत्ररोग तज्ञ डॉ.सचिन कोल्हे, हृदयरोग तज्ञ डॉ. भूषण सोनवणे यांच्यासह धानोरा प्राथमिक आरोग्य केंद्राचे डॉ. उमेश कवडीवाले, बिडगांव आरोग्य उपकेंद्राचे डॉ. वसीम खान, आरोग्य सेवक, आरोग्य सेविका, गटप्रवर्तक व आशा वर्कर यांनी सहकार्य केले. आदिवासी भागांमध्ये आरोग्य सुविधांची कमी असते. आदिवासी भाग असलेल्या बिडगांव येथे चोपडा रोटरी क्लब या सेवाभावी संस्थेने आरोग्य शिबीरासोबतच मोफत औषधी वाटप तसेच मोफत रक्ततपासणी करून एक महत्त्वाचे पाऊल उचलले आहे, असे यावेळी तालुका आरोग्य अधिकारी डॉ. प्रदिप लासुरकर यांनी सांगितले. सदर आरोग्य शिबीर व मोफत औषधींचे वाटप कार्यक्रमास बिडगांवच्या सरपंच विजया पाटील, पोलीस पाटील रामकृष्ण पाटील यांच्यासह इतर ग्रामस्थांची उपस्थिती होती. यावेळी त्यांनी रोटरी क्लबचे आभार मानले.
यावेळी चोपडा रोटरीचे अध्यक्ष पंकज बोरोले, सचिव प्रवीण मिस्त्री, प्रोजेक्ट चेअरमन संजीव गुजराथी, को-चेअरमन डॉ. पराग पाटील व नयन महाजन यांची विशेष उपस्थिती होती. तसेच नितीन अहिरराव, रुपेश पाटील, चेतन टाटिया, अर्पित अग्रवाल, अरुण सपकाळे, प्रदीप पाटील, चंद्रशेखर साखरे, नितीन जैन, धिरज अग्रवाल, दिलीप जैन, भालचंद्र पवार, पृथ्वीराज राजपूत आदी रोटेरियन मोठ्या संख्येने उपस्थित होते. कार्यक्रमाचे सूत्रसंचलन व आभारप्रदर्शन भालचंद्र पवार यांनी केले.
