टिम लोकप्रवाह, चोपडा दि. १५ – दि फेडरेशन ऑफ ऑर्गन अँड बॉडी डोनेशन, मुंबई व संयोजक रोटरी क्लब ऑफ मिडटाऊन, नाशिक यांची खान्देश अवयव दान जनप्रबोधन यात्रेचे नुकतेच चोपडा येथे आगमन झाले होते. यावेळी शहरात अवयवदान जनप्रबोधन प्रभातफेरी तसेच बसस्थानक, छत्रपती शिवाजी महाराज चौक व गांधी चौक या ठिकाणी नर्सिंग कॉलेजच्या विद्यार्थ्यांनी पथनाट्य सादर करीत घोषणा देत जनजागृती केली. यानंतर एम. जी. कॉलेज येथे प्राणीशास्त्र विभागातर्फे अवयवदान जनप्रबोधन हेतूने विद्यार्थ्यांची पोस्टर स्पर्धा घेण्यात आली, त्यात अत्यंत सुंदर, कल्पक व अभ्यासपूर्ण पोस्टर प्रदर्शनाचे आयोजन करण्यात आले. तद्नंतर सभागृहात अवयवदान जनप्रबोधन यात्रेचे व्याख्याते प्रशांत पागनिस व सुधीर बागाईतदार यांनी उपस्थितांना त्वचादान, नेत्रदान, अवयवदान व देहदान यासंदर्भात माहिती दिली. तसेच अवयवदान, नेत्रदान व अंगदान याबाबतच्या गैरसमजूती, त्यांची आवश्यकता व महत्त्व उदाहरणासह पटवून दिले.
सदर कार्यक्रमाचे प्रास्ताविक प्रकल्पप्रमुख रोटे. रुपेश पाटील यांनी केले. सूत्रसंचालन प्राचार्या करुणा चंदनशिव यांनी तर आभारप्रदर्शन प्राणीशास्त्र विभागप्रमुख डॉ. हनुमंत सदाफुले यांनी केले. यावेळी दी फेडरेशन ऑफ ऑर्गन अँण्ड बॉडी डोनेशन, मुंबई संस्थेचे अविनाश कुळकर्णी, नागराजन अय्यर, सुधीर व माधुरी बागाईतदार, चंद्रशेखर देशपांडे, अशोक जव्हेरी यांच्यासह रोटरी चोपडा प्रेसिडेंट रोटे. चेतन टाटीया, सचिव रोटे. अर्पित अग्रवाल, उपप्राचार्य प्रा. डॉ. ए. एल. चौधरी, ज्येष्ठ रोटे एम. डब्ल्यू. पाटील, रोटे. व्ही . एस.पाटील, रोटे. विलास पाटील, रोटे. पंकज बोरोले, रोटे. ईश्वर सौंदाणकर, रोटे. पवन गुजराथी, रोटे. विपुल छाजेड, रोटे. अरुण सपकाळे, रोटे. बी. एस. पवार आदिंसह इतर रोटरी सदस्य तसेच दादासाहेब डॉ. सुरेश जी. पाटील नर्सिंग कॉलेज व प्राणीशास्त्र विभागातील प्राध्यापक वृंदांची उपस्थिती व सहकार्य लाभले.
