टिम लोकप्रवाह, चोपडा दि. २८ – येथील सकल सोनार समाज व संत नरहरी फाउंडेशन यांच्या वतीने श्री संत नरहरी महाराज पुण्यतिथी सोहळा उत्साहात साजरा करण्यात आला. याप्रसंगी श्री नरहरी महाराजांच्या प्रतिमेला माल्यार्पण करून पालखीचे पूजन करण्यात आले. याप्रसंगी शहरातून पालखी मिरवणुकीचे आयोजन करण्यात आले. समाजबांधवांनी उत्साहात यात सहभाग घेतला.
याप्रसंगी समाजातील गुणवंत विद्यार्थ्यांचा सत्कार करण्यात आला. त्यात कु. आराध्या वानखेडे, कु. अंकिता सोनार, कु. मयुरी भामरे, चि. हर्षल सोनार, यश वाखारकर, प्रसन्न जडे, साहिल सोनार, कु.जानवी विसपुते, मनुष्री रनाळकर व निकिता सोनार यांचा सत्कार करण्यात आला. तसेच समाजातील यशवंत व किर्तीवंत व्यक्तींचाही याप्रसंगी सत्कार करण्यात आला. त्यात संदीप सोनार, प्रशांत सोनार, संजय बागुल, राकेश विसपुते, रत्नमाला दुसाने व कार सेवक अनिल वानखेडे यांचा समाजाच्या वतीने सत्कार करण्यात आला.
नक्षत्र ज्वेलर्सचे संचालक नितीन अहिरराव यांच्या वतीने कै. आबासाहेब पंढरीनाथ कृष्णा अहिरराव यांच्या स्मरणार्थ समाजरत्न व समाजभूषण पुरस्कार वितरित करण्यात आले. यात सुशिलाबाई सोनार, प्रभाकर सोनार व मुकुंदा दुसाने यांचा समाज रत्न पुरस्कार देऊन गौरव करण्यात आला व मानाचा समाजभूषण पुरस्कार जेष्ठ विधीतज्ञ ॲड. अशोक जाधव यांना देऊन गौरविण्यात आले.
याप्रसंगी मोठ्या प्रमाणात सोनार समाज बंधू भगिनी उपस्थित होते. तसेच प्रा. आशा पोतदार यांच्या वतीने महाप्रसादाचे आयोजन करण्यात आले.
सदर कार्यक्रमाचे सूत्रसंचालन व आभारप्रदर्शन डॉ. विजय जाधव यांनी केले. सदर कार्यक्रमाच्या यशस्वीतेसाठी संस्थेचे अध्यक्ष विलास सोनार, उपाध्यक्ष नितीन अहिरराव, सचिव डॉ. विजय जाधव, खजिनदार रविंद्र वानखेडे तसेच रवींद्र विसपुते, भटू विसपुते, मुकुंदा दुसाने, अनिल वानखेडे, श्याम सोनार, श्रीराम सोनार, भूषण बागुल, राकेश विसपुते, रोहित सोनार आदिंनी परिश्रम घेतले.
