टिम लोकप्रवाह, चोपडा दि. ०६ – तालुक्यातील मजरे हिंगोणे जिल्हा परिषद उच्च प्राथमिक शाळेत सांस्कृतिक कार्यक्रम नुकताच मोठ्या उत्साहात संपन्न झाला. यावेळी वर्षभरात झालेल्या विविध स्पर्धेतील गुणवंत विद्यार्थ्यांना मान्यवरांच्या शुभहस्ते बक्षीसे देवून गौरविण्यात आले. कार्यक्रमाच्या अध्यक्षस्थानी शाळा व्यवस्थापन समिती अध्यक्षा दिपाली बाविस्कर ह्या होत्या. प्रमुख पाहुणे म्हणून कृषी उत्पन्न बाजार समितीचे संचालक नंदकिशोर सांगोरे, माजी सभापती तुकाराम बाविस्कर, सरपंच कल्पना पाटील, लासुरचे केंद्रप्रमुख उत्तम चव्हाण, सामाजिक कार्यकर्ते वसंत पाटील, रविंद्र पाटील, प्रदीप पाटील, साहेबराव पाटील, मुरलीधर माडे, ग्रामसेवक कांतीलाल कोळी, प्रमोद सुर्यवंशी, विवेकानंद धनगर, सुरेश बाविस्कर, शाळा व्यवस्थापन समिती सदस्या रिना भिल, विजय धनगर, जयसिंग सोनवणे, शितल पाटील, माया पाटील, ज्योती वानखेडे, प्रियंका पावरा, निता अहीरे आदिंसह गावातील विविध संस्थांचे पदाधिकारी यांची उपस्थिती होती. यावेळी प्रास्ताविक पदवीधर शिक्षक व ग.स. चे संचालक योगेश सनेर यांनी केले.
सांस्कृतिक कार्यक्रमात विद्यार्थ्यांनी सादर केलेले विविध गुणदर्शनाचे कार्यक्रम बघून प्रेषक मंत्रमुग्ध झालेत. लासुरचे केंद्रप्रमुख उत्तम चव्हाण यांनी शाळेच्या वर्षभरातील विविध उपक्रमांबाबत शिक्षक व विद्यार्थी यांचे बक्षीसासह कौतुक केले. कार्यक्रम यशस्वीतेसाठी मोनेश बाविस्कर, धनराज बोरसे, प्रमोद पाटील, मनोहर बाविस्कर, भुषण पाटील, सोनाली साळूंखे, दिप्ती सनेर यांनी विशेष परिश्रम घेतले. सुत्रसंचालन मुख्याध्यापिका वैशाली पवार यांनी तर आभारप्रदर्शन मोनेश बाविस्कर यांनी केले.
