टिम लोकप्रवाह, चोपडा दि. २९ – तालुक्यातील नागलवाडी येथील माध्यमिक विद्यालय या शाळेतील विद्यार्थी व शिक्षकांनी दिनांक २८ रोजी शैक्षणिक क्षेत्रभेट उपक्रमांतर्गत तापी शेतकरी सहकारी सुतगिरणी येथे भेट दिली. यावेळी कापसापासून धागा बनविण्याची संपूर्ण प्रक्रिया विद्यार्थी व उपस्थित शिक्षकांनी समजून घेतली.
सूतगिरणी प्रकल्प यंत्रणेबाबत संपूर्ण माहिती यावेळी व्यवस्थित समजावून सांगण्यात आली. याकरीता त्यांना चेअरमन कैलास पाटील यांच्या मार्गदर्शनाखाली जनरल मॕनेजर व इतर कर्मचाऱ्यांनी सहकार्य केले. यावेळी शाळेच्या विद्यार्थ्यांसह रुबी मयुर, शिक्षक नवनीत राजपूत व दिपक राजपूत यांची उपस्थिती होती. अशाप्रकारे शैक्षणिक क्षेत्रभेट उपक्रम उत्साहात संपन्न झाला.
