टिम लोकप्रवाह, वर्धा (सचिन ओली) दि. ०४ – येथील आपचे जिल्हाध्यक्ष श्रीकांत दोड यांच्या नेतृत्वात जिल्ह्यात पक्षबांधणीचे कार्य जोमाने सुरू असुन त्याच अनुषंगाने काँग्रेसचे गिरोली (ढगे) येथील माजी सरपंच उमेश लटारे यांनी जिल्हाध्यक्ष श्रीकांत दोड यांच्या प्रमुख उपस्थितीत नुकताच आम आदमी पार्टी मध्ये जाहिर प्रवेश घेतला. यावेळी जिल्हाध्यक्ष असलम पठाण, इसराईल शेख, संदीप डंभारे आदिंचीही उपस्थिती होती.
आम आदमी पार्टीचे राष्ट्रीय अध्यक्ष तथा दिल्ली चे मुख्यमंत्री अरविंद केजरीवाल यांच्या सर्वसमावेशक, समाजवादी, धर्मनिरपेक्ष व विकासात्मक धोरणाची अंमलबजावणी करण्याच्या कार्य पद्धतीला भारावून आप पक्षात प्रवेश घेतला असल्याचे विचार उमेश लटारे यांनी पक्ष प्रवेश करताना व्यक्त केले. तसेच उमेश लटारे यांच्या राजकीय व सामाजिक कार्यातील असलेल्या अनुभवाच्या आधारे त्यांना लवकरच पक्ष संघटनेमध्ये महत्वाची जबाबदारी देण्यात येणार असल्याचे यावेळी सांगण्यात आले. उमेश लटारे यांच्या पक्षप्रवेशाचे धिरज कांबळे, रमेश लटारे, संघपाल जीवतोडे, घनश्याम लटारे, गजानन पिंपळे व मित्र परिवार यांनी अभिनंदन केले.
