टिम लोकप्रवाह, चोपडा दिनांक 17: येथील महात्मा गांधी शिक्षण मंडळाचे दादासाहेब डॉ. सुरेश जी. पाटील महाविद्यालयातील पेटंट प्राप्त संगणक विभागाच्या सहाय्यक प्राध्यापक आरती पाटील व व्यवस्थापन विभागाच्या सहाय्यक प्राध्यापक आर. पी. जैस्वाल यांच्या सत्कार समारंभाचे आयोजन करण्यात आले होते. याप्रसंगी त्यांना भारत सरकारतर्फे मिळालेल्या पेटंट बद्दल महात्मा गांधी शिक्षण मंडळाचे अध्यक्ष ॲड. संदीप पाटील तसेच महात्मा गांधी शिक्षण मंडळाच्या सचिव डॉ. स्मिता पाटील यांच्या हस्ते त्यांचा सत्कार करण्यात आला.
सहाय्यक प्राध्यापक आरती पाटील व आर. पी. जैस्वाल यांना भारत सरकारच्या पेटंट कार्यालयातर्फे ‘Lexical Analysis Compiler Device’ या संदर्भात डिझाईन निर्मिती केल्यामुळे पेटंट प्राप्त झाले आहे तसेच सहाय्यक प्राध्यापक आरती पाटील यांचे Digital World या पुस्तकासाठी Method to Improved Blockchain Security अंतर्गत Scopus indexed ISI THOMSON Reauters या Journal of Electrical System या नामांकित आंतरराष्ट्रीय जर्नलमध्ये त्यांचे डिझाईन व संशोधन प्रकाशित झाले आहे.
त्यांनी मिळविलेल्या या यशाबद्दल महात्मा गांधी शिक्षण मंडळाचे अध्यक्ष ॲड. संदीप पाटील व संस्थेच्या सचिव डॉ. स्मिता पाटील तसेच महाविद्यालयाचे प्राचार्य डॉ. डी. ए. सूर्यवंशी, उपप्राचार्य प्रा. डॉ. ए. एल. चौधरी, उपप्राचार्य एन. एस. कोल्हे, उपप्राचार्य प्रा. डॉ. के. एन. सोनवणे, समन्वयक डॉ.एस.ए. वाघ व रजिस्ट्रार श्री.डी.एम. पाटील त्याचप्रमाणे महाविद्यालयातील शिक्षक-शिक्षकेतर कर्मचारी बंधू-भगिनींनी त्यांचे कौतुक व अभिनंदन केले आहे.
