टिम लोकप्रवाह, जामनेर दि. 14 : तालुक्यातील चिचखेडा गावातील सहा वर्षाच्या आदिवासी समाजातील बालिकेवर नराधमांनी बलात्कार करून तिचा खून केल्याप्रकरणी सदर आरोपींचा गुन्हा जलदगती न्यायालयामध्ये चालवून त्यांना तातडीने फाशीची शिक्षा देण्याची मागणी जळगाव जिल्हा युवक पुरोगामी संघर्ष परिषदेच्या वतीने करण्यात आली आहे. त्याबाबतचे निवेदन जामनेरचे तहसीलदार यांना देण्यात आले आहे. त्यात सदर केस हि जलदगती न्यायालयात न चालवल्यास पुरोगामी संघर्ष परिषदेच्या वतीने जोपर्यंत निकाल लागत नाही तोपर्यंत जामनेर तहसील कार्यालयातच ठिया मांडण्याचा इशारा संघटनेचे युवा जिल्हाध्यक्ष सागर पवार यांचे नेतृत्वाखालील शिष्टमंडळांने निवेदनाद्वारे दिला आहे.
याप्रसंगी जळगाव तालुका अध्यक्ष हिरकण भिल, सुधाकर भिल, रितेश भिल, शुभम भिल, बारकू भिल, सिद्धार्थ कांबळे, रमेश पाचुणे इत्यादी पुरोगामी संघर्ष परिषदेचे प्रमुख पदाधिकारी व कार्यकर्ते उपस्थित होते.
