👉 शाळेचा आज पहिला दिवस
टिम लोकप्रवाह, वर्धा दिनांक 01: जिल्हाधिकारी राहुल कर्डिले यांनी वर्धा पंचायत समिती अंतर्गत येणा-या बोरगाव मेघे येथील गणेशनगर परिसरातील जिल्हा परिषद प्राथमिक शाळेला भेट देऊन प्रथमच पहिल्या वर्गात दाखल झालेल्या विद्यार्थ्यांचे गुलाबपुष्प व पुस्तके देऊन स्वागत केले व पुढील शिक्षणासाठी शुभेच्छा दिल्या. यावेळी त्यांच्यासोबत जिल्हा शिक्षण व प्रशिक्षण अधिकारी मंगेश घोगरे, वर्धा पंचायत समिती गट शिक्षणाधिकारी धर्मपाल कुमरे, शिक्षण विस्तार अधिकारी जया परमार, केंद्र प्रमुख वसंतराव खोडे व शाळेच्या मुख्याद्यापिका नंदा भुते यांची उपस्थिती होती.
उन्हाळ्याच्या सुट्टीनंतर जिल्ह्यातील 1 हजार 463 शाळेच्या शैक्षणिक सत्राला आजपासुन सुरवात झाली. नवीन वर्गात प्रवेश घेतलेल्या विद्यार्थ्यांना शाळेत दाखल झाल्यावर शिक्षणाची गोडी निर्माण व्हावी. त्यांच्यावर शिक्षणाचा दबाव असू नये यासाठी संपूर्ण जिल्ह्यातील शाळांमध्ये पहिल्या दिवशी विद्यार्थ्यांचे पुष्पगुच्छ देऊन स्वागत करण्यात आले.
जिल्हाधिकारी राहुल कर्डिले यांनी आज चिमुकल्या विद्यार्थ्यांचे गुलाबपुष्प देऊन स्वागत करुन त्यांच्यशी संवाद साधला.
सर्व पालकांनी विध्यार्थ्यांना नियमित शाळेत पाठवून शिक्षणाविषयी त्यांच्यात गोडी निर्माण करावी व चांगल्या शिक्षणाचा लाभ घ्यावा, असे आवाहन जिल्हाधिकारी राहुल कर्डीले यांनी यावेळी केले.
यावेळी शाळेच्या परिसरात जिल्हाधिकारी राहुल कर्डिले यांच्या हस्ते वृक्षरोपण करण्यात आले. कार्यक्रमाला शिक्षक, विद्यार्थी मोठ्या प्रमाणात उपस्थित होते.
