टिम लोकप्रवाह, चोपडा दि. 13 – मुंबई येथे दिनांक 11 सप्टेंबर रोजी ग्रामविकास मंत्री ना. गिरीश महाजन यांच्या सेवासदन या निवासस्थानी ग्रामविकास विभागाचे सचिव, उपसचिव, अधिकारी व ग्रामपंचायत कर्मचारी महासंघाचे प्रतिनिधी यांच्यात बैठक झाली. त्यामध्ये विविध विषयावर चर्चा करण्यात आली
कर्मचाऱ्यांना तब्बल 443 कोटी रुपयाच्या फरकाचे वितरण
ग्रामविकास विभाग ने जिल्हा परिषदांना 5 सप्टेंबर रोजी 200 कोटी दिले तसेच 15 मे ला 243 कोटी रुपये असा तब्बल 443 कोटी रुपयाचा निधी वितरित करण्यात आलेला आहे. तसेच येत्या 2 दोन दिवसात कर्मचाऱ्यांचे पगार होतील. व लवकरच 19 महिन्याच्या किमान वेतनाचा फरक मिळेल, अशी माहिती नामदार गिरीश महाजन यांचे पीए देशमुख यांच्या मध्यस्थीने घेण्यात आलेल्या चर्चेनंतर मिळाली, अशी माहिती महाराष्ट्र ग्रामपंचायत कर्मचारी महासंघाचे सचिव कॉम्रेड अमृत महाजन यांनी प्रसिद्धीस दिलेल्या पत्रकात म्हटले आहे.
याबाबत सविस्तर असे की, या बैठकीत कर्मचाऱ्यांच्या मागण्यांची चर्चा करण्यात आली यात ठरले असे की,
१. यावलकर समिती च्या अंमलबजावणीसाठी जिल्हा परिषद कडुन 8 दिवसांत अहवाल मागविण्यात येईल निशिक वगळता तात्काळ कारवाई करण्याचे पत्र जिल्हा परिषद ला पाढविण्यात येईल व अहवाल मंत्रिमंडळाच्या बैठकीत ठेवण्यात येईल.
२. कर्मचाऱ्यांच्या पगाराचे अनुदानासाठी वसुलीची अट कायमस्वरूपी रद्द करण्यात येईल, याबाबत लवकरच निर्णय घेतला जाईल.
३. किमान वेतन समिती गठीत करण्याबाबत उद्योग ऊर्जा व कामगार विभागकडे तात्काळ कळविण्यात येईल.
४) अनुकंपा तत्त्वावर रिक्त जागेवर ग्रामपंचायत कर्मचारी याची भरती करण्याबाबत विचार व अभ्यास करून निर्णय करण्यात येईल.
५) लोकसंख्येची जाचक अट कमी करण्याचा शासनाचा प्रयत्न आहे व नवीन आकृतीबंध बाबत माहिती मागवलेली आहे.
६) राहणीमान भत्ता ग्रामनिधीतून द्यावा म्हणून ग्रामपंचायतींना कलम 154 खाली सूचना देण्यात येतील. तो शंभर टक्के शासनाच्या तिजोरीतून द्यावा याबाबत सरकार सकारात्मक आहे.
वसुलीची अट रद्द करण्यासाठी सरकार पॉझिटिव्ह आहे परंतु वित्त खात्याने निगेटिव रिमार्क दिलेला आहे. हा प्रश्न मंत्रिमंडळासमोर ठेवण्याचा निर्णय घेण्यात यावा या विषयावर सविस्तर चर्चा करण्यात आली.
या बैठकीत उपसचिव, ग्रामविकास मंत्री याचे स्विय सहायक देशपांडे तसेच ग्रामपंचायत विभागाचे मुख्य सचिव गांगुर्डे, अवर सचिव श्रीमती .शेटे आदिसह महासंघाचे राज्य सचिव कॉ. नामदेव चौहान, सखाराम दुगूडे, मंगेश म्हात्रे, अमृत महाजन, गोविंद म्हात्रे, चत्रुगण लांजेवार, उज्वल गांगुर्डे, शाम चिचने, विनोद तोर आदींची उपस्थिती होती.
