टिम लोकप्रवाह, वर्धा दि. 12 : 36 वे रस्ता सुरक्षा अभियानांतर्गत उपप्रादेशिक परिवहन कार्यालय व जिल्हा सामान्य रुग्णालय वर्धा यांच्या संयुक्त विद्यमाने प्रशासकीयभवन येथे नेत्र तपासणी व रक्तदान शिबिराचे आयोजन करण्यात होते. या शिबिरात सुमारे 40 जणांनी राक्तदान केले व 97 नागरिकांनी नेत्र तपासणीचा लाभ घेतला. रक्तदान हे जगातील सर्वश्रेष्ठ दान असून यामुळे गरजू व्यक्तीला जीवनदान मिळेल, असा विश्वास उपप्रादेशिक परिवहन अधिकारी स्नेहा मेढे यांनी व्यक्त केला. यावेळी उपप्रादेशिक परिवहन अधिकारी स्नेहा राजू मेढे यांनी सामान्य नागरिकांना रक्तदानाचे महत्त्व पटवून दिले. तसेच रस्ता रस्त्यावरील अपघातांचे प्रकार याविषयी माहिती देण्यात आली.
कार्यक्रमाला सहायक प्रादेशिक परिवहन अधिकारी मेघल अनासने, महाराष्ट्र राज्य मार्ग परिवहन विभागाचे विभाग नियंत्रक प्रतापसिंह राठोड, जिल्हा सामान्य रुग्णालयाच्या बिटीओ डॉ. शिवली कलोडे, मोटार परीवहन विभागाचे पोलीस निरीक्षक देवानंद पाटील, जिल्हा नेत्र शल्य चिकित्सक डॉ. प्रीती पराडकर तसेच उप प्रादेशिक परिवहन कार्यालय येथील मोटर वाहन निरीक्षक प्रफुल मेश्राम, संदीप मुखे, अजय चौधरी, साधना कवळे, सहायक मोटर वाहन निरीक्षक विशाल भगत, अक्षय मालवे, आदित्य ठोक, अमर पखान, राहुल ढोबळे आदीसह इतर कर्मचारीवर्ग व जिल्हातील सर्व ड्रायव्हिंग स्कूलचे संचालक यांची उपस्थिती होती.
