टिम लोकप्रवाह, चोपडा दि. 14 – येथील चोपडा शहर पोलीस स्टेशनचे पोलीस निरीक्षक मधुकर साळवे यांना मिळालेल्या गुप्त बातमीवरुन पोलिस पथकाने उमर्टी चोपडा रस्त्यावरील चुचांळेजवळ सापळा रचून इसम नामे प्रफुल्ल प्रमोद धुमाळ वय 26 वर्ष रा. व्यास मदिरजवळ, शिवाजी नगर, यावल ता.यावल जि. जळगाव हा मोटार सायकलवरुन चोपड्याकडे येत असतांना त्यास ताब्यात घेतले असता त्याच्या अंगझडतीत 1 किलो 168 ग्रॅम सुकलेला गांजा तसेच चरस या अमली पदार्थाच्या च्या 72 ग्रॅम वजनच्या 80 गोळ्या मिळुन आल्या. सदर इसमास ताब्यात घेवुन त्याचेवर चोपडा शहर पोलीस स्टेशन येथे गुन्हा दाखल करीत अटक करण्यात आली.
सदर इसम प्रफुल्ल प्रमोद धुमाळ याचेवर चोपडा शहर पोलीस स्टेशन गु. र. नं. 08/2025 NDPS अँक्ट कलम 8 (क), 20 (ब) (ii) (b), 22(b) प्रमाणे गुन्हा नोंद करण्यात आला असुन आरोपी कडे मिळुन आलेला गांजा, चरस, मोटार सायकल तसेच मोबाईल फोन असा एकुण 96,600/- रुपये किमतिचा मुद्देमाल जप्त करण्यात आला असुन आरोपीस अटक करण्यात आली आहे.
सदर कारवाई जिल्हा पोलीस अधिक्षक महेश्वर रेड्डी, अप्पर पोलीस अधिक्षक कविता नेरकर व उपविभागीय पोलीस अधिकारी अन्नासाहेब घोलप यांच्या मार्गदर्शनाखाली व चोपडा शहर पोलीस स्टेशनचे पोलीस निरीक्षक मधुकर साळवे यांच्या नेतृत्वाखाली सहाय्यक पोलीस निरिक्षक एकनाथ भिसे, पोलीस उपनिरीक्षक अनिल भूसारे, पोहेकाँ किरण शिंपी, रितेश चौधरी, पोना धर्मेंद्र ठाकुर, पोकॉ पंकज ठाकुर, रविंद्र मेढे, अमोल पवार, मदन पावरा आदींच्या पथकाने केली. सदर गुन्ह्याचा तपास पोलीस उपनिरीक्षक अनिल भुसारे करीत आहेत.
