टिम लोकप्रवाह, चोपडा दि. 27 – दिनांक २७/०५/२०२५ रोजी चोपडा शहर पोलीस स्टेशनचे पोलीस निरीक्षक मधुकर साळवे यांना मिळालेल्या गोपनीय बातमीवरून त्यांनी पथक तयार केले. त्या अनुषंगाने चोपडा-चुंचाळे रोडवरील समाजकार्य महाविद्यालयाजवळ आज रोजी दिनांक २७/०५/२०२५ ला सकाळी १०-०० वाजेच्या सुमारास सापळा रचला असता चुंचाळेकडून चोपड्याकडे मोटरसायकल क्रमांक MP ४६ MW ६५८५ वर येणारा इसम नामे कालुसिंग गोराशा बारेला, वय २६ वर्षे, रा. महादेव ता. शिरपुर जि. धुळे यास ताब्यात घेतले. व चौकशी केली असता त्याच्या दुचाकीला बांधलेल्या गोणीमध्ये तब्बल १० किलो ६०० ग्रॅम एवढा गांजा मिळून आला.
पोलीस पथकाने घटनास्थळी फॉरेन्सिक मोबाईल व्हॅन पाचारण करून त्यावरील तज्ञाच्या सहाय्याने सदर गांजा त्याचप्रमाणे मोटर सायकल व संशयीताकडे मिळून आलेली रोख रक्कम असा एकूण २,३०,२०० रू किंमतीचा मुद्देमाल जप्त केला आहे. सदर इसमाविरूध्द चोपड़ा शहर पोलीस स्टेशन गुन्हा नोंद क्रमांक ३३७/२०२५ एन डी पी एस कायदा कलम ८ (सी) सह २० (श्री) (ii) (B), २२ (B) प्रमाणे गुन्हा नोंद करण्यात आला असून आरोपीस अटक करण्यात आली आहे.
सदर कारवाई पोलीस अधीक्षक महेश्वर रेड्डी, अप्पर पोलीस अधिक्षक चाळीसगाव कविता नेरकर यांचे मार्गदर्शनाखाली व उपविभागीय पोलीस अधिकारी अण्णासाहेब घोलप यांच्या सुचनांप्रमाणे पोलीस निरीक्षक मधुकर साळवे, सहाय्यक पोलीस निरीक्षक एकनाथ भिसे, पोहेकॉ. २०८६ संतोष पारधी, पोहेकॉ ३५० लक्ष्मण शिंगाणे, पोहेकॉ. २८२५ रितेश चौधरी, पोहेकॉ. १८०५ ज्ञानेश्वर जवागे, पोना. ३११० संदिप भोई, पोकॉ. २१४५ विनोद पाटील. पोकॉ. २९८८ निलेश वाघ, पोकॉ. १५५८ महेंद्र पाटील आदींच्या पथकाने केली.
