टिम लोकप्रवाह, चोपडा दि. 02 जुलै – दरवर्षीप्रमाणे यंदाही चोपडा शहरातील जन मानवता बहुउद्देशीय संस्था व कॅन्सर पेशंट हेल्प सेंटर तर्फे कॅन्सरग्रस्त परिवारातील विद्यार्थ्यांना शैक्षणिक साहित्य वाटप करण्यात आले. सदर वाटप चोपडा तहसीलदार भाऊसाहेब थोरात यांचा करण्यात आले. याप्रसंगी तहसीलदार भाऊसाहेब थोरात यांनी स्वतः विद्यार्थ्यांची विचारपूस करीत ते घेत असलेल्या शिक्षणाबद्दल माहिती घेतली. तसेच जन मानवता बहुउद्देशीय संस्था व कॅन्सर पेशंट हेल्प सेंटर या सामाजिक व सेवाभावी संस्थेच्या सामाजिक उपक्रमाचे कौतुक केले. यावेळी मिळणाऱ्या शैक्षणिक साहित्यामुळे विद्यार्थ्यांच्या चेहऱ्यावर हास्य फुलले.
यावेळी जन मानवता बहुउद्देशीय संस्था व कॅन्सर पेशंट हेल्प सेंटरचे अध्यक्ष राज मोहम्मद शिकलगर, सचिव शेख जलीस अहेमद, सदस्य शेख सलीम जहागीरदार, शेख सत्तार वलियोद्दीन, शेख एजाज खाटीक, शेख जाफर शेख खालीद व अयान खान शिकलगर आदींची उपस्थिती होती.
