टिम लोकप्रवाह, चोपडा दि. 15 – आपल्या देशाच्या ७९ व्या स्वातंत्र्य दिनानिमित्त शहरातील जिल्हा परिषद उर्दू मुलांची शाळा नं. २ व ४ येथे माजी उपनगराध्यक्ष व शालेय व्यवस्थापन समिती सदस्य भुपेंद्रभाई गुजराथी यांच्या हस्ते ध्वजारोहण करण्यात आले. याप्रसंगी शालेय व्यवस्थापन समिती अध्यक्ष जमील खान कुरेशी व इतर शालेय व्यवस्थापन समिती सदस्य यांची उपस्थिती होती.
ध्वजारोहणानंतर विध्यार्थ्यानी सांस्कृतिक कार्यक्रम सादर केला. त्यानंतर उपस्थित सर्व विध्यार्थ्यांना चॉकलेट व मिठाईचे वाटप करून कार्यक्रमाची सांगता करण्यात आली. यावेळी बहुसंख्य पालकवर्ग उपस्थित होते. सदर कार्यक्रम यशस्वीतेसाठी शाळेचे मुख्याध्यापक व सर्व शिक्षकांनी परिश्रम घेतले. कार्यक्रमाचे सूत्रसंचालन व आभार शिक्षक नईम पठाण यांनी मानले.
