टिम लोकप्रवाह, चोपडा दि. 29 – तालुकास्तरीय शासकीय क्रीडा स्पर्धेत बुद्धिबळ व कुस्ती ह्या क्रीडा प्रकारात येथील महिला मंडळ माध्यमिक विद्यालयाच्या विद्यार्थ्यांनी उल्लेखनीय यश संपादन करत जिल्हास्तरीय स्पर्धांसाठी ते पात्र ठरले आहेत.
येथील डॉ. सुरेशदादा पाटील महाविद्यालय व चावरा इंटरनॅशनल स्कूल येथे संपन्न झालेल्या अनुक्रमे कुस्ती व बुद्धिबळ या क्रीडा प्रकारात महिला मंडळ माध्यमिक विद्यालयाच्या विद्यार्थ्यांनी यश संपादन केले असून बुद्धिबळ स्पर्धेत १७ वर्ष वयोगटात चि. पियुष सचिन बारी व १४ वर्ष वयोगटात कु.चैताली दिपक माळी यांनी विजय मिळवला असून त्यांची जिल्हास्तरीय स्पर्धेसाठी निवड झाली आहे. तर कुस्ती या क्रीडा प्रकारात १७ वर्ष वयोगटात मुलांमध्ये चि.गणेश दुर्गादास वैदू, चि.मंदार अमोल मराठे, चि.नकुल श्रीकृष्ण बडगुजर व मुलींमध्ये कु.मोहिनी अनिल महाजन हिच्यासह १४ वर्ष वयोगटात चि. पवन राहुल शेटे या विद्यार्थ्यांनी विजय मिळवत जिल्हास्तरीय स्पर्धेसाठी पात्र ठरले आहेत. या विद्यार्थांना क्रीडा प्रशिक्षक योगेश शिरसाठ व क्रीडा शिक्षक विनोद शिरसाठ यांचे मार्गदर्शन लाभले.
यशस्वी विद्यार्थ्यांचे माजी विधानसभा अध्यक्ष प्रा. अरुणभाई गुजराथी, संस्थेच्या अध्यक्ष पूनम गुजराथी, उपप्राचार्य डॉ. आशिष गुजराथी, मुख्याध्यापक सुनील पाटील, पर्यवेक्षक विजय पाटील यांच्यासह शिक्षक, शिक्षकेतर वृंद व शाळेतील विद्यार्थ्यांनी अभिनंदन केले असून पुढील स्पर्धेसाठी शुभेच्छा दिल्या आहेत.
