लोकप्रवाह, चोपडा दि. १० जुलै – आमदार लताताई सोनवणे यांच्या अध्यक्षतेखाली चोपडा तहसील कार्यालयाच्या नूतन इमारतीमध्ये दि. ०८/०६/२०२२ रोजी तालुकास्तरीय समन्वय व पुनर्विलोकन समितीची बैठक पार पडली. या बैठकीमध्ये तालुक्यातील सर्व शासकीय विभागातील कार्याचा आढावा घेण्यात आला तसेच सर्व संबंधित विभागांना योग्य त्या सुचना आमदार लताताई सोनवणे यांनी दिल्या.
या बैठकीमध्ये तालुक्यातील रस्त्यावरील खड्डे बुजविणे, रस्ता दुरुस्तीकरण करणे तसेच रस्त्या बाजुचे झाडेझुडपे तत्काळ काढण्याबाबत सार्वजनिक बांधकाम विभागातील अधिकाऱ्यांना सूचना करण्याता आल्या. व जीर्ण तारा व इलेक्ट्रिक पोल तत्काळ बदलविण्याबाबत महावितरणच्या अधिकारी वर्गास सुचना केल्या तसेच खतांचा काळाबाजार व लिंकिंग होणार नाही याबाबतच्या दक्षता घेण्यासंबंधी सूचना कृषी अधिकारी यांना करण्यात आली. तालुक्यातीला प्रत्येक शासकीय विभागातील अधिकाऱ्यांना आमदार लताताई चंद्रकांत सोनवणे यांच्याकडून योग्य त्या सूचना व आदेश देण्यात आले.
सदर बैठकीस तहसीलदार अनिल गावित, गट विकास अधिकारी बी.एस.कासोदे, मुख्याधिकारी हेमंत निकम, समिती सदस्य कैलास बाविस्कर, एम.व्ही.पाटील, शिवराज पाटील, ताराबाई पाटील, शोभा देशमुख तसेच गणेश पाटील, उपविभागीय अभियंता सा.बां.विभाग, उपजिल्हा रुग्णालय वैद्यकीय अधिक्षक डॉ.मनोज पाटील, तालुका आरोग्य अधिकारी डॉ.प्रदीप लासूरकर, गटशिक्षणाधिकारी डॉ. भावना भोसले, महावितरणचे उपविभागीय अभियंता एन.एस.रासकर, उपविभागीय अभियंता पी.बी. पाटील, शहर पोलीस स्टेशनचे सहाय्यक पोलीस निरीक्षक अजित सावळे, ग्रामीण पोलीस स्टेशनचे पोलीस उपनिरीक्षक अमर वसावे, सचिन गवांदे, नगर अभियंता, नगर परिषद, के. डी. झाडे, व्ही. जी. पाटील, वंदना बाविस्कर, एस. एम. गायकवाड, एस. आर. धनगर, पी. एस. चापेकर, ए. एस. पवार, डी. बी. साळुंखे, एस. सी.अमृतकर, पी. व्ही. कुलकर्णी, एन.एस.खंबायत, बी.एल.पाटील, आर.एन.अलकार, एन. एस. धनराळे, एम. पी. बाविस्कर, ए. बी. बाविस्कर, एन. बी. भगत, व्ही. एम. गाठे, एस. पी. करवंदे, आर. आर. कोळी व महेंद्र साळुंखे आदिंची उपस्थिती होती.
