चोपडा नगरपरिषद रुग्णालयात स्वातंत्र्य दिन उत्साहात साजरा

टिम लोकप्रवाह, चोपडा दि. 15 : देशभरात ८० वा स्वातंत्र्य दिन मोठ्या उत्साहात आणि देशभक्तीमय वातावरणात साजरा करण्यात आला. याच पार्श्वभूमीवर चोपडा नगरपरिषद रुग्णालयाच्या परिसरातही स्वातंत्र्य दिनानिमित्त ध्वजारोहणाचा कार्यक्रम उत्साहात पार पडला. नगरपरिषदेचे आरोग्य सभापती रमेश शिंदे यांच्या हस्ते राष्ट्रध्वजाचे ध्वजारोहण करण्यात आले. ध्वजारोहणानंतर उपस्थितांनी राष्ट्रध्वजाला मानवंदना देत राष्ट्रगीत गायले.

यावेळी नगरपरिषद प्रशासन व आरोग्य विभागातील अधिकारी, वैद्यकीय अधिकारी, परिचारिका, आरोग्यसेविका, कर्मचारी तसेच आशा स्वयंसेविकांची मोठ्या संख्येने उपस्थिती होती. कार्यक्रमास प्रभारी मुख्याधिकारी संजय मिसर, उपमुख्याधिकारी संदिप गायकवाड, वैद्यकीय अधिकारी डॉ. चंद्रकांत बारेला, डॉ. सिद्धार्थ साळुंखे, डॉ. महेश लाडे, डॉ. सोनाली बारेला, डॉ. मनिषा लाडे, डॉ. मयुरेश जैस्वाल यांची प्रमुख उपस्थिती होती.

तसेच औषधनिर्माण अधिकारी अजय जैस्वाल, नदीम शेख, अधिपरिचारक सचिन शिंदे, आरोग्यसेविका सविता नाथबुवा, रेखा ओतारी, सुचिता पांडे, दीपाली सोनवणे, रंजना निकुंभ, कीर्ती चौधरी, वर्षा सोनवणे यांच्यासह नगरपरिषद रुग्णालयातील अधिकारी व कर्मचारी उपस्थित होते. याशिवाय सर्व आशा स्वयंसेविकाही कार्यक्रमात सहभागी होत्या.

यावेळी उपस्थित मान्यवरांनी स्वातंत्र्य दिनाचे महत्त्व अधोरेखित करत देशाच्या स्वातंत्र्यासाठी आपल्या प्राणांची आहुती देणाऱ्या स्वातंत्र्यसैनिकांना अभिवादन केले. देशाच्या प्रगतीमध्ये आरोग्यसेवेचे महत्त्व मोठे असून, नागरिकांना दर्जेदार व तत्पर आरोग्यसेवा उपलब्ध करून देण्यासाठी आरोग्य विभागातील प्रत्येक घटकाची भूमिका महत्त्वपूर्ण असल्याचे यावेळी नमूद करण्यात आले.

नगरपरिषद रुग्णालयामार्फत नागरिकांना सातत्याने आरोग्यसेवा उपलब्ध करून देण्यासाठी वैद्यकीय अधिकारी, परिचारिका, आरोग्यसेविका, आशा स्वयंसेविका व इतर कर्मचारी कार्यरत आहेत. स्वातंत्र्य दिनाच्या या कार्यक्रमाच्या निमित्ताने आरोग्य विभागातील सर्व अधिकारी व कर्मचाऱ्यांनी नागरिकांच्या आरोग्याची काळजी घेत आपली सेवा अधिक तत्परतेने देण्याचा संकल्प व्यक्त केला.

कार्यक्रमाच्या यशस्वी आयोजनासाठी गजानन करंदीकर, मच्छिंद्र बाविस्कर, सतीलाल कोळी व समाधान कोळी आदींनी विशेष परिश्रम घेतले. सर्वांच्या उत्स्फूर्त सहभागामुळे नगरपरिषद रुग्णालयातील स्वातंत्र्य दिनाचा कार्यक्रम उत्साहपूर्ण, शिस्तबद्ध आणि देशभक्तीमय वातावरणात संपन्न झाला.