लोकप्रवाह, चोपडा दि.२५ जुलै : तालुक्यातील चोपडा – धनवाडी हा संपूर्ण रस्ता खड्डेमय झाला आहे. या गावावरुन शहरात ये – जा करतांना विद्यार्थी, शेतकरी व ग्रामस्थांना मोठी कसरत करावी लागते. यामुळे छोटे मोठे अपघात घडून कित्येकांना शारीरिक इजा सुद्धा झाल्या आहेत. या मार्गावरील संपुर्ण खड्डे भरण्यात यावे अन्यथा त्याच खड्डयांमध्ये मत्स्यपालनाची परवागगी द्यावी अशी मागणी चोपडा महाराष्ट्र नवनिर्माण सेनेतर्फे करण्यात आली आहे.
सुरवातीच्या पावसामुळे रस्त्यावर मोठ्या प्रमाणावर खड्डे झाल्याने त्या खड्यात पावसाचे पाणी भरल्याने वाहन चालवितांना खड्डयांचा अंदाज येत नसल्याने वाहन जोरात आदळत अपघात होवू शकतो. त्याचप्रमाणे त्या खड्यातून प्रवास करणाऱ्या सरकारी बस व खाजगी वाहनांची दुरुस्ती खर्च वाढून सामान्य माणसांच्या खिश्याला ही त्याचा फटका बसू लागलाय.
सदर खड्डे येत्या 15 दिवसात भरावे अन्यथा त्या खड्डयात मासे उत्पादनाची परवानगी द्यावी अशी अजब मागणी करीत मनसेने शासनाचे लक्ष वेधले आहे.
सदर निवेदन देतेवेळी महाराष्ट्र नवनिर्माण सेनेचे माजी जिल्हाध्यक्ष अनिल वानखेडे यांच्या मागर्दशनाखाली व चोपडा तालुका उपाध्यक्ष अजय परदेशी यांच्या नेतृत्वाखाली तालुका उपाध्यक्ष बिपीन बाविस्कर, तालुका सचिव विक्की मखिजा, शहर उपाध्यक्ष अलकेश माळी, सचिव महेंद्र भामरे, विभाग अध्यक्ष मनोज पाटील, तालुका उपसंघटक दिपक विसावे, मनसे विद्यार्थी सेनेचे निखिल पाटील, सनी पाटील, जयेश पाटील, कठोरा गावाचे सरपंच अधिकार पाटील, विकास पाटील, नंदन पाटील, धीरज कोळी, किरण पाचोणे आदिंसह इतर महाराष्ट्र सैनिकांची उपस्थिती होती.
