लोकप्रवाह, चोपडा दि. ०१ आॕगस्ट – तालुक्यातील धानोरा येथील प्रगतशील शेतकरी नितीन वसंत परमार ( महाजन ) यांची कन्या नेहा हि एम. जे. कॉलेज जळगाव येथे बीएससी च्या द्वितीय वर्षाला शिक्षण घेत असून एनसीसी अंतर्गत इंटर डायरेक्ट शूटिंग चॅम्पियनशिप २०२२ ऑल इंडिया एनसीसी सिल्वर मेडल जिंकून कु. नेहा हिची जि.व्ही. मालवणकर शूटिंग चॅम्पियनशीप २०२२, पश्चिम बंगाल येथे होणाऱ्या स्पर्धेसाठी निवड करण्यात आली आहे.
तिच्या या निवडीचे सर्वत्र कौतुक होत असून कु. नेहा नितीन परमार हिने दहावीपर्यंतचे शिक्षण झिपरु तोताराम महाजन माध्यमिक व नामदेवराव भावसिंग पाटील जुनियर कॉलेज, धानोरा येथे घेतले असून इयत्ता पाचवी पासूनच तिला क्रिडा क्षेत्रात रुची असल्याने ती एम.जे. कॉलेजला एनसीसीमध्ये सहभागी झाली व आपले कौशल्य दाखवत शूटिंग चॅम्पियनशीप २०२२ साठी तिची पश्चिम बंगाल येथे निवड झाली आहे. तिच्या या यशस्वी गरुड भरारीचे सातपुडा शिक्षण संस्थेचे अध्यक्ष बी. एस.महाजन, चेअरमन सुखदेवराव पाटील, शालेय समिती सदस्य वामनराव महाजन, बाजीराव पाटील, प्रदीप महाजन, विद्यालयाचे प्राचार्य के.एन.जमादार, उपमुख्याध्यापक मनोज चव्हाण, चोपडा सुतगिरणी संचालक हितेंद्र पाटील, सर्व शिक्षक, शिक्षिका व शिक्षकेतर कर्मचारी तसेच सतपंथ ज्योत मंदिराचे अध्यक्ष गजानन चौधरी, उपाध्यक्ष सुरेंद्र महाजन, सचिव सुरेश महाजन, सदस्य वासुदेव महाजन, अॕड.अविनाश पाटील, शेखर पाटील, विकास महाजन, महेश महाजन, नवल गुजर, प्रदिप महाजन, रविंद्र महाजन, सुभाष पाटील, अतुल पाटील, प्रमोद महाजन, अॕड.गाैरव महाजन, पत्रकार प्रशांत चौधरी, धनराज मुखी, जयेश चौधरी सर्व शिक्षक, शिक्षिका व शिक्षकेतर कर्मचारी तसेच गावातील समस्त गावकऱ्यांनी तिचे अभिनंदन केले आहे.
