लोकप्रवाह, चोपडा दि. ०२ आॕगस्ट – येथील महात्मा गांधी शिक्षण मंडळ संचलित कला, शास्त्र व वाणिज्य कनिष्ठ महाविद्यालयातील इंग्लिश भाषा अभ्यास मंडळ व भाषा मंडळ यांच्या संयुक्त विद्यमाने लोकमान्य टिळक पुण्यतिथी व लोकशाहीर अण्णाभाऊ साठे जयंतीनिमित्त महाविद्यालयाचे प्राचार्य डॉ. डी. ए. सुर्यवंशी यांच्या अध्यक्षतेखाली कार्यक्रमाचे आयोजन करण्यात आले.
सर्वप्रथम मान्यावरांच्या हस्ते लोकमान्य टिळक व लोकशाहीर आण्णाभाऊ साठे यांच्या प्रतिमेला माल्यार्पण करण्यात आले. अध्यक्षीय मनोगत व्यक्त करतांना महाविद्यालयाचे प्राचार्य प्रा.डॉ.डी.ए.सुर्यवंशी म्हणाले की, ‘आजचा भारत हा थोर महापुरुषांच्या त्यागाने सुजलाम – सुफलाम झाला आहे. थोर महापुरुषांची जयंती व पुण्यतिथी साजरा करण्याचा उद्देश हा वैचारिक असायला हवा, तात्पुरता नसावा प्रत्येकाने आपल्या आयुष्यात महापुरुषांचे गुण आत्मसात करून समाज परिवर्तनासाठी आपले योगदान द्यावे. राष्ट्रपुरुषांचा इतिहास हा वाचनाद्वारे समजून घेणे गरजेचे आहे. यावेळी त्यांनी उपस्थित विद्यार्थ्याना लोकशाहीर आण्णाभाऊ साठे यांच्या विविध कादंबऱ्यांची व कथांची नावे सांगून सदर साहित्य ग्रंथालयात जाऊन वाचण्याचे व त्यातील ज्ञान आत्मसात करण्याचे आवाहन केले. कला व वाणिज्य शाखेच्या विद्यार्थ्यांनी लोकमान्य टिळक व अण्णाभाऊ साठे यांच्याबद्दल अभ्यासपूर्ण भाषणं दिली. मान्यवरांच्या हस्ते सहभागी विद्यार्थ्यांना प्रमाणपत्र देण्यात आली. याप्रसंगी व्यासपीठावर पर्यवेक्षक प्रा.एस.पी. पाटील, समन्वयक प्रा.ए. एन. बोरसे , प्रा.एस.टी.शिंदे, प्रा. संदीप बी. पाटील, प्रा. ए. पी.लांडगे आदि उपस्थित होते.
कार्यक्रमाचे प्रास्ताविक उपप्राचार्य प्रा बी एस हळपे यांनी केले तर कार्यक्रमाचे सूत्रसंचलन 12 वी कला ची विद्यार्थीनी कु.मानसी निकम व प्रा. विवेकानंद शिंदे यांनी तर आभारप्रदर्शन प्रा. संदीप देवरे यांनी केले. कार्यक्रमाच्या यशस्वीतेसाठी प्रा.सुनंदा नन्नवरे प्रा. दिपक करंकाळ, प्रा. निवृत्ती पाटील, प्रा. सौरभ जैन, प्रा.शिरीष ठाकरे, प्रा.साक्षी गुजराथी, श्री. राकेश काविरे व राहुल पाटील यांनी परिश्रम घेतले. याप्रसंगी महाविद्यालयातील बहुसंख्य विद्यार्थी, शिक्षक-शिक्षकेतर कर्मचारी बंधू भगिनी उपस्थित होते.
