लोकप्रवाह, चोपडा दि. ०२ आॕगस्ट – तालुक्यातील घोडगांव येथील नूतन शिक्षण प्रसारक मंडळ संचलित एसएनआरजी इंग्लिश मिडीयम स्कुल येथे वृक्षसंवर्धन सप्ताहांतर्गत वृक्षारोपणासह विविध उपक्रमांचे आयोजन करण्यात आले. त्यात फॅन्सी ड्रेस, चित्र रंगवणे यासारख्या उपक्रमांचा समावेश होता.
याप्रसंगी घोडगाव व वाळकी गावातून वृक्षसंवर्धन रॅली काढण्यात आली, त्यात शाळेतील विद्यार्थ्यांनी पथनाट्य व नृत्य सादर करून वृक्षांचे महत्व सर्वाना पटवून दिले. सोबत “सेव्ह ट्रीज, सेव्ह लाईफ” “पेड लगाओ, पेड बचाओ” यासारख्या विविध घोषणा दिल्या. वेगवेगळ्या वृक्षांच्या वेशभूषेत विद्यार्थ्यांनी सर्वांचे लक्ष वेधून घेतले. घोडगांव येथे शाळेच्या परिसरात वृक्षारोपण करण्यात आले. यावेळी संस्थेचे सचिव जवरीलाल जैन, संस्थेचे संचालक भानुदास पाटील, पी एच महाजन, सी बी निकुंभ हायस्कुलचे मुख्याध्यापक आर.पी.चौधरी तसेच विद्यार्थ्यांचे पालक व शाळेतील शिक्षक यांची उपस्थिती होती. तर वाळकी येथे गावातील जेष्ठ नागरिक देविदास जगतराव पाटील यांच्यासह विद्यार्थ्यांचे पालक धीरज पाटील, राजेंद्र पाटील, मनोहर पाटील, चंद्रभान पाटील व गावातील नागरिकांच्या उपस्थितीत वृक्षारोपण करण्यात आले.
सदर उपक्रमामधून विद्यार्थ्यांना पर्यावरणाचे महत्व कळावे व भविष्यातील संकटांची जाणीव व्हावी यासाठी वृक्षसंवर्धन महत्वाचे आहे अशी माहिती शाळेच्या प्राचार्या जेनिफर मथायस यांनी दिली. यावेळी विद्यार्थी नाट्य दिग्दर्शन व कार्यक्रम सुत्रसंचालन कल्पेश साळुंखे यांनी तर शुभांगी दाभाडे व चैताली धनगर यांनी नृत्य मार्गदर्शन केले तर शुभांगी पारधी, जयश्री कोळी यांनी परिश्रम घेतले.
