लोकप्रवाह, चोपडा दि. ०३ आॕगस्ट – महसूल दिनानिमित्त जळगाव जिल्ह्यातील महसूल विभागातील ४७ अधिकारी व कर्मचाऱ्यांना ‘उत्कृष्ट अधिकारी व कर्मचारी’ पुरस्कार देऊन सन्मान करण्यात आला. हा कार्यक्रम सोमवार दि. ०१ आॕगस्ट रोजी दुपारी ४ वाजता जिल्हाधिकारी कार्यालय आवारातील नियोजन भवनात मोठ्या थाटात पार पडला. यामध्ये चोपडा तालुक्यातील वैजापूर सजावर कार्यरत अजय लुका पावरा यांना उत्कृष्ट तलाठी म्हणून पुरस्काराने सन्मानित करण्यात आले.
यावेळी जिल्हाधिकारी अभिजित राऊत, पोलीस अधीक्षक डॉ. प्रवीण मुंढे, जिल्हा परिषद मुख्य कार्यकारी अधिकारी डॉ. पंकज आशिया, अपर जिल्हाधिकारी प्रवीण महाजन, निवासी उपजिल्हाधिकारी राहुल पाटील यांच्यासह जिल्हाधिकारी कार्यालयातील अधिकारी उपस्थित होते. या पुरस्काराबद्दल तहसीलदार अनिल गावीत व चोपडा महसूल विभागातील सर्व अधिकारी व कर्मचारी यांनी अजय पावरा यांचे अभिनंदन केले.
यांचा झाला सन्मानउपविभागीय अधिकारी विनय गोसावी (एरंडोल), उपजिल्हाधिकारी शुभांगी भारदे, किरण सावंत-पाटील (जळगाव), जिल्हा गौणखनिज अधिकारी दीपक चव्हाण (जळगाव), तहसीलदार कैलास चावडे (पाचोरा), मिलींदकुमार वाघ (अमळनेर), नायब तहसीलदार निकेतन वाळे (मुक्ताईनगर), अंगद आसटकर (भुसावळ), लेखापाल विलास पाटील (जळगाव), मंडळ अधिकारी विठोबा पाटील (रावेर), उदय निंबाळकर (एरंडोल), सचिन जगताप (रावेर), किशोर तायडे (मुक्ताईनगर), अव्वल कारकून देवेंद्र कोळी (एरंडोल), सारिका भालेराव (बोदवड), दिलीप राजपूत (भडगाव), मधुकर नंदनवार (एरंडोल), पल्लवी खडके, जयश्री पवार, अमोल जुमडे, गणेश हटकर, जागृती पवार (जळगांव), महसूल सहाय्यक सोमिनाथ वाघ ( जामनेर), पंकज भागवत ( भडगाव), तुषार अहिरे (चाळीसगाव), गणेश नाईक (पारोळा), पंकज शिंदे (धरणगाव), अमोल पाटील (भुसावळ), स्वप्निल येवले, विशाल बिर्हाडे, राजश्री पाचपोळ (जळगाव), तलाठी सलमान तडवी (एरंडोल), भुषण बाविस्कर (पारोळा), पवन नवगाळे (भुसावळ), मृणाली सोनवणे (जळगाव), अजय पावरा ( चोपडा), वाहनचालक कैलास माळी (पारोळा), शिपाई गोपीचंद महाजन (पाचोरा), संजय वराडे, मदन काळे, सुशील पाटील (जळगाव), कोतवाल संजय अंबेकर (जामनेर), विनोद अटकाळे (रावेर), सोनूसिंग पाटील (यावल), शिवाजि इप्पर (चाळीसगाव).
