लोकप्रवाह, चोपडा दि. ०३ आॕगस्ट – येथील महात्मा गांधी शिक्षण मंडळ संचलित श्रीमती शरदचंद्रिका सुरेश पाटील कॉलेज ऑफ़ फार्मसी येथे महाविद्यालयातील म्यूझियमचे दिनांक ०२ ऑगस्ट रोजी सचिव डॉ. स्मिता संदिप पाटील यांच्या हस्ते उद्‌घाटन करण्यात आले.
महाविद्यालयातील या म्यूझियम मध्ये जवळपास 1200 पेक्षा जास्त फोटो फ़ोमशीट वर प्रिंट करून Photo Gallery तयार करण्यात आली आहे. महात्मा गांधी शिक्षण मंडळ संचलित बी.फार्मसी महाविद्यालयाची सन 1992 मध्ये स्थापना करण्यात आली आणि त्यास ०२ आॕगस्ट रोजी 30 वर्ष पुर्ण झाले आहे त्या अनुषंगाने या 30 वर्षाच्या कालावधी मध्ये विद्यार्थ्यांनी व महाविद्यालयाने राबविलेले विविध कार्यक्रमांचे तसेच मान्यवरांच्या भेटींचे फोटो या म्यूझियम मध्ये लावण्यात आले आहेत, ज्यामुळे महाविद्यालयाने आजतागायत केलेली प्रगती याद्वारे प्रदर्शित होत आहे.
उद्‌घाटनप्रसंगी सचिव डॉ. स्मिता संदीप पाटील यांनी मनोगत व्यक्त करतांना सांगितले की या म्यूझियमच्या दालनात उभे राहिले असता महाविद्यालयाच्या प्रगतीचा आलेख डोळ्यासमोर उभा राहतो. व यामुळे प्रत्येक विद्यार्थ्याला मार्गदर्शन व प्रेरणा मिळेल.
सदर कार्यक्रमास महात्मा गांधी शिक्षण मंडळाचे अध्यक्ष अॕड. संदीप सुरेश पाटील, उपाध्यक्ष आशा पाटील व सचिव डॉ. स्मिता संदिप पाटील, प्रा.डि.बी. देशमुख, दिलीप साळुंखे व प्राचार्य डॉ. गौतम पी. वडनेरे यांचे बहूमोल मार्गदर्शन लाभले. उद्‌घाटन सोहळ्यास महाविद्यालयाचेे विभागप्रमुख डॉ. के.डी. पाटिल, डॉ.बी.व्ही.जैन, डॉ.एस.आर.पवार, डॉ.एम. डी.रागीब तसेच शैक्षणिक विभागप्रमुख प्रा. के. डी. पाटिल व प्रा. टी. पी. पाटिल आदी उपस्थित होते. कार्यक्रमास महाविद्यालयाचेे प्रबंधक, विभागप्रमुख, शिक्षक व शिक्षकेतर कर्मचारी वृंद या सर्वांचे सहकार्य लाभले. प्राचार्य डॉ. गौतम पी.वडनेरे यांच्या मार्गदर्शन व नेतृत्वाखाली म्यूझियम यशस्वीरित्या तयार करण्याकरिता समिती सदस्या प्रा.सुवर्णलता महाजन व प्रा. प्रियंका जैन यांनी परिश्रम घेतले.
