लोकप्रवाह, जळगांव दि. ०६ आॕगस्ट – भारतीय स्वातंत्र्याला ७५ वर्ष होत पुर्ण असल्याने स्वातंत्र्याचा अमृत महोत्सवानिमित्ताने लाचलुचपत प्रतिबंधक विभाग जळगाव युनिटतर्फे स्वातंत्र्याचा अमृत महोत्सव अंतर्गत १३ ऑगष्ट २०२२ ते १५ ऑगष्ट २०२२ या कालावधीमध्ये केंद्र शासनाच्या सूचनेनुसार “हर घर झेंडा” हा उपक्रम राबविण्यात येणार आहे. त्यासोबतच विविध उपक्रमाचे आयोजन करण्यात आले असल्याचे पोलीस उपअधीक्षक शशिकांत एस.पाटील यांनी सांगितले.
स्वातंत्र्याचा अमृत महोत्सवांतर्गत १३ ऑगष्ट २०२२ ते १५ ऑगष्ट २०२२ या कालावधीमध्ये केंद्र शासनाच्या सूचनेनुसार “हर घर झेंडा” हा उपक्रम राबविणे तसेच लाचलुचपत प्रतिबंधक विभागाचे कार्यप्रणाली व भ्रष्टाचाराचे निर्मूलन या विषयावर कार्यशाळा डीएनसी कॉलेज जळगाव येथे घेण्यात आली. लाचलुचपत प्रतिबंधक विभागाचा टोल फ्रि क्रमांक १०६४ व कार्यालयाचा संपर्क क्रमांक व ई – मेल आयडी नमुद असलेले बॅनर हे लाचलुचपत प्रतिबंधक विभाग, जळगाव कार्यालयाच्या दर्शनी भागावर व कार्यालयाचे आवारात लावण्यात आले. भ्रष्टाचाराचे निर्मुलन करण्यासाठी गर्दीच्या ठिकाणी रेल्वेस्टेशन, बसस्टॅण्ड जळगाव सदर ठिकाणच्या उपस्थितांना लाचलुचपत प्रतिबंधक विभागाची कार्यप्रणाली, लाचलुचपत प्रतिबंधक विभागाचा टोल फ्री क्रमांक १०६४ व जळगाव कार्यालयाचे संपर्क क्रमांक व इ-मेल आयडी नमुद असलेली पत्रके वाटप करण्यात आली. भ्रष्टाचार निर्मूलन प्रसाराबाबत नुतन मराठा महाविद्यालय, जळगाव येथे कार्यशाळा घेण्यात आली व उपस्थितांना लाचलुचपत प्रतिबंधक विभागाचा टोल फ्री क्रमांक १०६४ व जळगाव कार्यालयाचे संपर्क क्रमांक व ई-मेल आयडी नमुद असलेली पत्रके वाटण्यात आली.
तसेच उद्या रविवार दिनांक 07/08/2022 रोजी सकाळी 06.00 वाजता जळगाव शहरातील “भाऊंचे उद्यान”, काव्यरत्नावली चौक ते मेहरूण तलावपर्यंत सायकल रॅलीचे आयोजन करण्यात आले आहे. सदर सायकल रॅली मेहरूण तलावाजवळ संपल्यानंतर त्याठिकाणी लाचलुतपत प्रतिबंधक कायद्याबद्दल व कामकाजा संदर्भात तसेच भ्रष्टाचाराविरुद्ध जनजागृतीबाबत मार्गदर्शन करण्यात येणार असल्याचे पोलीस उपअधीक्षक शशिकांत पाटील यांनी सांगितले. सदर रॅलीकरीता जळगाव लाचलूचपत प्रतिबंधक विभागाचे सर्व अधिकारी व अंमलदार हजर राहणार आहेत.
