लोकप्रवाह, चोपडा दि. ११ आॕगस्ट – येथील चोपडा एज्युकेशन सोसायटी संचलित प्रताप विद्या मंदिरा तर्फे दि.४ ऑगस्ट २०२२पासून ते ९ ऑगस्ट २०२२ पर्यंत क्रांती सप्ताहांतर्गत विविध शालेय स्पर्धांचे आयोजन करण्यात आले होते. यात निबंध स्पर्धा, वकृत्व स्पर्धा, चित्रकला स्पर्धा, रंगभरण स्पर्धा, रांगोळी स्पर्धा, महिला मेळावा, कृषीपर मार्गदर्शन, राष्ट्रभक्तीपर गीत गायन स्पर्धा, देशभक्तीपर स्लोगन स्पर्धा व वेशभूषा-आज एक क्रांतिकारक आदि स्पर्धांच्या माध्यमातून विद्यार्थ्यांमध्ये राष्ट्रप्रेम- राष्ट्रभक्ती निर्माण करण्याचे कार्य केले गेले. शालेय स्तरावर या स्पर्धा घेऊन विद्यार्थ्यांना बक्षिसे वाटप करण्यात आलीत.
दि११ ऑगस्ट २०२२ गुरुवार रोजी सकाळी ८ वाजता स्वराज्य महोत्सवाची सुरुवात करण्याअगोदर विद्यार्थ्यांची जनजागृतीपर भव्य रॅलीचे आयोजन करण्यात आले. एनसीसी कॅडेट, गावातील विभाग, सकाळ विभाग, उर्दू विभाग, दुपारी विभाग व क्रिडा विभाग आदि विद्यार्थ्यांचा यामध्ये समावेश होता. शाळेच्या मुख्य प्रवेशद्वारापासून ते अरुण नगर- श्रीराम नगर- थाळनेर दरवाजा- ग्रामीण पोलीस स्टेशन या मार्गाने प्रभात फेरी काढण्यात आली. विद्यार्थ्यांचा उत्साह व सुरबद्ध घोषणांनी शहरातील नागरिकांंमध्ये हर घर तिरंगा ही मोहीम अतिशय प्रभावीपणे बिंबवण्याचा प्रयत्न या रॕलीच्या माध्यमातून करण्यात आला. राष्ट्रध्वजधारी एनसीसीचे कॅडेट्स, विद्यामंदिरातील चिमुकल्यांच्या जयघोष करणाऱ्या घोषणा याकडे सर्वांचे लक्ष वेधले गेले. या भव्य रॅलीची सांगता विद्या मंदिराच्या प्रांगणावर करण्यात आली.
“हर घर तिरंगा, हर एक के मन में तिरंगा, भारत की आन बान और शान तिरंगा” असा संदेश देत रॕलीची सांगता करण्यात आली. यावेळी विद्या मंदिराचे मुख्याध्यापक पी.एस.गुजराथी, उपमुख्याध्यापक एस. जी.डोंगरे, ज्युनियर कॉलेजचे उपप्राचार्य जे.एस. शेलार, पर्यवेक्षिका एम.डब्ल्यू.पाटील, पर्यवेक्षक एस. एस.पाटील, पी.डी.पाटिल, एनसीसी विभाग शिक्षक रोहन पाटील, जे.आर.बडगुजर, क्रीडाशिक्षक एन. एन.महाजन आदिंसह इतर शिक्षक व शिक्षकेतर कर्मचारी आदींनी उपस्थिती व परिश्रम घेतले.
