लोकप्रवाह, चोपडा दि. २० आॕगस्ट – तालुक्यातील बोरखेडा येथे कापूस पिकावरील बोंड अळी व बोंड सड व्यवस्थापन संबंधी शेतकऱ्यांना मार्गदर्शन करण्यात आले. याप्रसंगी रासी सीडस कंपनीच्या वतीने गुलाबी बोंडअळीच्या बंदोबस्तासाठी कामगंध सापळे व लुर वाटप करण्यात आले.
यावेळी शेती शाळेस उपस्थित शेतकऱ्यांना पंचायत समितीचे कृषि अधिकारी डी.एम.शिंपी तसेच रासी सीडस कंपनीचे अमोल बोरसे यांनी मार्गदर्शन केले. यावेळी कामगंध सापळे लावण्याविषयी प्रात्यक्षिक दाखविण्यात आले.
कार्यक्रम यशस्वीतेकरीता कृषि विभाग आत्मा चे महेंद्र साळुंखे व रासी सीडसचे संदीप वाघ यांनी परिश्रम घेतले.
