लोकप्रवाह, चोपडा दि.७ आॕगस्ट : येथील महात्मा गांधी शिक्षण मंडळ संचलित, कला, शास्त्र व वाणिज्य महाविद्यालयातील करीअर कट्टा व भारतीय प्रतिभूती आणि विनिमय बोर्ड ऑफ इंडिया यांच्या संयुक्त विद्यमाने गुंतवणूकदार जागरूकता कार्यशाळेचे आयोजन करण्यात आलेले होते. या कार्यशाळेप्रसंगी महाविद्यालयाचे प्राचार्य डॉ.डी.ए.सूर्यवंशी हे कार्यशाळेचे अध्यक्ष म्हणून उपस्थित होते. त्याचप्रमाणे महाविद्यालयाचे उपप्राचार्य एन.एस.कोल्हे, उपप्राचार्य प्रा.डॉ.के.एन.सोनवणे व भारतीय प्रतिभूती आणि विनिमय बोर्ड ऑफ इंडियाचे प्रशिक्षक रोहित मिश्रा तसेच रजिस्ट्रार डी.एम.पाटील आदि मान्यवर व्यासपीठावर उपस्थित होते. या कार्यशाळेत जवळपास ६० शिक्षक – शिक्षकेत्तर कर्मचाऱ्यांनी सहभाग नोंदविला.
यावेळी रोहित मिश्रा ‘इंडियन सेक्युरिटी मार्केट’ या विषयावर बोलतांना म्हणाले की, ‘ गुंतवणूक हा जीवनाचा अविभाज्य भाग आहे. जबाबदारी बघून गुंतवणूक करणे ही काळाची गरज आहे. साक्षर गुंतवणूकदार हाच सुरक्षित गुंतवणूकदार असतो. खरेदी क्षमता वाढविण्यासाठी गुंतवणूक वाढविणे गरजेचे आहे. SEBI ही संस्था गुंतवणूकदारांचे संरक्षण करते. गुंतवणूकदारांचे संरक्षण करणे व त्यांना प्रोत्साहन देणे तसेच सुरक्षेला प्राधान्य देणे ही कामे करते. म्युच्युअल फंड हा गुंतवणुकीसाठी सुरक्षित असतो. यावेळी त्यांनी रॉयल्टी फ्लो, डीव्हीडंट असे गुंतवणुकीचे अनेक पर्याय सांगून उपस्थितांच्या प्रश्नांना समाधानकारक उत्तरे दिली.
या कार्यक्रमाचे सूत्रसंचलन इंग्रजी विभागप्रमुख डी.एस.पाटील यांनी केले तर आभार करीअर कट्टाचे समन्वयक वाय.एन.पाटील यांनी मानले. या कार्यशाळेच्या यशस्वीतेसाठी डी.पी.सपकाळे, डॉ.एम.एल.भुसारे, डी.डी.कर्दपवार, ए.एच.साळुंखे, व्ही.बी.पाटील, स्नेहा राजपूत, रुपाली साळुंखे, शुभम सूर्यवंशी, उज्वल मराठे यांनी सहकार्य केले.
