लोकप्रवाह, चोपडा दि. २४ सप्टे. – येथील श्री व्यंकटेश बालाजी संस्थांनाचा सुमारे चारशे वर्षांची विशाल परंपरा असलेला वहनोत्सव व रथोत्सव दि.२६ सप्टेंबर ते ७ आक्टोबर दरम्यान शहरात साजरा होणार असल्याची माहिती संस्थानचे अध्यक्ष प्रवीण गुजराथी व विश्वस्तांनी यांनी दिली आहे.
चोपड्याच्या या सांस्कृतिक वारसा असणाऱ्या ब्रम्होत्सव महोत्सवाला दि.२६ पासून वहनोत्सव सुरु होवून संबधीत वहनावर आरुढ होवून श्री बालाजी महाराजांची शहरातील ठराविक भागात वाजत गाजत मिरवणूक काढण्यात येईल. त्यानिमित्ताने या उत्सवाची मोठी उत्सुकता नागरिकांमध्ये दिसून येत आहे. कोरोनाच्या प्रादुर्भावामुळे शासकीय नियमांमुळे दोन वर्षे वहनोत्सव मंदिरातच पार पडला होता. तर रथोत्सव देखील जागच्या जागीच पार पाडून परंपरा जोपासली गेली होती.
वहन व त्याचा मार्ग खालीलप्रमाणेदि.२६ हत्ती ( गांधी चौक,बाजारपेठ ),दि.२७ मोर (मोठा देव्हारा, गणेश कॅालनी)दि.२८ गरूड (अरुणनगर,श्रीराम नगर)दि.२९ सिंह (गुजर अळी)दि.३० नागोबा( सुंदरगढी),दि.१ आक्टोबर मारोती ( जबरेराम मंदिर,भाटगल्ली),दि.२ सुर्य ( बडगुजर गल्ली),दि.३ चंद्र ( पाटील गढी,मल्हारपुरा),दि.४ वाघ ( गुजराथी गल्ली ),दि.५ घोडा( बाजारपेठ),
६ व ७ आक्टोबरला रथोत्सव
श्री व्यंकटेश बालाजी संस्थानचा खान्देशात प्रसिद्ध असलेला रथोत्सव दि.६ व ७ ला होणार आहे. दि. ६ ला सकाळी१० वाजता गोलमंदिरा जवळील श्री बालाजी मंदिरापासून रथोत्सवाला प्रारंभ होईल. आशा टॅाकीज, ग्रामदैवत श्री आनंदी भवानी मंदिर या रथ मार्गाने बालाजीचा रथ आठवडे बाजार, पाटील दरवाजा या मार्गाने छत्रपती शिवाजी महाराज चौकात मुक्कामी येईल. त्याठिकाणी रात्रभर भाविकांच्या दर्शनासाठी राहिल. तर दि.७ रोजी रथाच्या परतीच्या प्रवासाला सकाळी १० वाजता प्रारंभ होईल. बाजारपेठ मार्गाने पुन्हा गोलमंदिराजवळ येवून यंदाच्या वहनोत्सव रथोत्सवाचा समारोप होईल. या निमित्ताने रथोत्सव काळात शहरात दोन दिवसाची रथयात्रा देखील भरत असते. या शहराच्या श्रध्देचा भाग असलेल्या सांस्कृतिक व धार्मिक कार्यक्रमात नागरिकांनी मोठ्या संख्येने सहभागी होण्याचे आवाहन श्री व्यंकटेश बालाजी संस्थानच्या पदाधिकाऱ्यांनी केले आहे.
