लोकप्रवाह, चोपडा दि. २४ – येथील चोपडा कसबे विविध कार्यकारी सहकारी सोसायटीची वार्षिक सर्वसाधारण सभा संस्थेचे चेअरमन प्रवीण गुजराथी यांच्या अध्यक्षतेखाली तसेच जिल्हा बॅकेचे संचालक घनःश्याम अग्रवाल यांच्या विशेष उपस्थितीत चोपडा पिपल्स बॅंकेच्या सभागृहात संपन्न झाली. या सभेत बारा विषयांवर खेळीमेळीच्या वातावरणात चर्चा करण्यात आली. तसेच जळगाव जिल्हा सहकार बोर्डाचे बाविस्कर यांनी सभासदांना मार्गदर्शन देखील केले.
याप्रसंगी व्हाईसचेअरमन भास्करराव पाटील, संचालक युवराज महाजन, डॅा.सुभाष देसाई, प्रवीण देशमुख, गोपाळ चौधरी, संदीप धारपवार, विमलबाई देशमुख, सिंधुबाई पाटील, उखा धनगर, दत्तु मराठे आदिंसह शेकडो सभासदांची यावेळी उपस्थिती होती. सभेचे अहवाल वाचन व सुत्रसंचालन संचालक श्रीकांत नेवे यांनी केले. तर आर्थिकपत्रकांचे वाचन सेक्रेटरी मनोहर शिरसाठ यांनी केले. तसेच आभारप्रदर्शन चेअरमन प्रविण गुजराथी यांनी केले.
