लोकप्रवाह, चोपडा दि. ०२ – येथील विवेकानंद विद्यालय व विवेकानंद इंग्लिश मीडियम स्कूल या दोन्ही विद्यालयाचे वय वर्ष 12, 14 ,17 ,19 वर्षा आतील मुलांच्या खुल्या प्रथम राज्यस्तरीय विविध स्पर्धा महाराष्ट्र शांती खेल महासंघटन, महाराष्ट्र राज्य यांच्या अंतर्गत स्कूल गेम्स अँड कराटे फेडरेशन ऑफ जळगाव यांनी जळगाव जिल्हा क्रीडा संकुल येथे नुकत्याच आयोजीत केल्या. तब्बल बारा जिल्ह्यातून खेळाडूंचा यात समावेश होता. त्यापैकी, विवेकानंद विद्यालय व विवेकानंद इंग्लिश मीडियमच्या विद्यार्थ्यांनी या स्पर्धेत उत्कृष्ट कामगिरी करत सुवर्ण, रौप्य, व कांस्यपदक प्राप्त केले. त्यामध्ये विवेकानंद विद्यालयातील सतरा वर्षाखालील मुलांच्या संघाने व्हाॕलीबॉल या खेळात सुवर्णपदक, क्रिकेट या खेळात कांस्यपदक पटकावले तर मैदानी खेळात शॉर्ट पुट व लॉंग जंप यामध्ये सुवर्णपदक पटकावले. त्याचप्रमाणे विवेकानंद इंग्लिश मीडियम स्कूल 12 ते 17 वर्षाखालील मुलांच्या संघाने क्रिकेटमध्ये सुवर्णपदक तर वैयक्तिक खेळ प्रकारात सुवर्ण, रौप्य व कांस्यपदक पटकावले.
या सर्व खेळाडूंना विद्यालयाचे क्रीडाशिक्षक विजय पाटील यांचे मार्गदर्शन लाभले. या सर्व खेळाडूं व मार्गदर्शक शिक्षकांचे अभिनंदन व कौतुक सोहळा विद्यालयात आयोजित करण्यात आला. याप्रसंगी चोपडे शिक्षण मंडळाच्या सचिव माधुरी मयूर, विवेकानंद प्रतिष्ठान व संशोधन केंद्र या संस्थेचे अध्यक्ष डॉ. विजय पोतदार, संस्थापक अध्यक्ष डॉ. विकास हरताळकर, सचिव अॕड. रवींद्र जैन, सहसचिव डॉ. विनीत हरताळकर, विश्वस्त डॉ. अमित हरताळकर, मुख्याध्यापक नरेंद्र भावे, इंग्लिश मिडियम स्कुलच्या प्रिंसिपल सुरेखा मिस्तरी आदिंची प्रमुख उपस्थिती होती. याप्रसंगी विद्यार्थ्यांना प्रोत्साहन व कौतुक देणेकामी माधुरी मयूर यांनी मनोगत व्यक्त केले.
कार्यक्रमाचे प्रास्ताविक प्रिन्सिपल सुरेखा मिस्तरी तर सूत्रसंचालन व आभारप्रदर्शन पवन लाठी यांनी केले. कार्यक्रमास सर्व शिक्षकवृंद व विद्यार्थ्यांची उपस्थिती होती.
