लोकप्रवाह, चोपडा दि. ०२ – येथील उपजिल्हा रुग्णालयात सेवा पंधरवाडा निमित्त व प्रधानमंत्री जनआरोग्य योजना व महात्मा ज्योतीराव फुले जनआरोग्य योजनेंतर्गत तालुक्यातील अतिदुर्गम भागातील रुग्णांना लाभदायक असणारी शस्त्रक्रिया दि. ०१ आॕक्टोर २०२२ रोजी करण्यात आल्या. त्याकरीता स्वतः जळगांव जिल्हा शल्यचिकित्सक डॉ. किरण पाटील यांनी उपस्थित राहून या शस्त्रक्रिया यशस्वीपणे पार पाडल्या.
यामध्ये तालुक्यातील अतिदुर्गम भागातील मोरचिडा, उनपदेव व वडती या गावातील हायड्रोक्सील या आजाराने ग्रस्त असणाऱ्या तीन बालकांची शस्त्रक्रिया यशस्वीपणे करण्यात आली. सदर शस्त्रक्रिया स्वतः सिवील सर्जन डॉ. किरण पाटील यांनी केल्या. या शस्त्रक्रियेसाठी वैद्यकीय अधीक्षक डॉ. मनोज पाटील यांनी सतत पाठपुरावा केला होता. शस्त्रक्रियेप्रसंगी भूलतज्ञ डॉ. नरेंद्र पाटील, महात्मा ज्योतिबा फुले जनआरोग्य योजना मेडीकल को-आॕर्डीनेटर डॉ. दिनेश सोनवणे आदिंसह अनिता सोनवणे व गणेश चावरे यांनी परिश्रम घेतले.
