लोकप्रवाह, चोपडा दि. ०३ – महात्मा गांधी जयंती व स्वातंत्र्याचा अमृत महोत्सव या निमित्ताने महाराष्ट्र प्रदेश काँग्रेस कमिटीच्या जिल्हा प्रशिक्षण व प्रबोधन समितीचे प्रदेश अध्यक्ष विनायक देशमुख व जिल्हा समन्वयक तथा काँग्रेसचे माजी जिल्हाध्यक्ष ॲड. संदीप पाटील यांच्या मार्गदर्शनाने येथील महात्मा गांधी शिक्षण मंडळ संचलित माध्यमिक विद्यालयात तालुक्यातील माध्यमिक शाळांमधील विद्यार्थ्यांसाठी भव्य अशा निबंध स्पर्धेचे आयोजन करण्यात आले. निबंध स्पर्धा दिनांक 3 ऑक्टोबर रोजी दुपारी बारा ते दोन या वेळेत पार पडली.
या निबंध स्पर्धेसाठी इयत्ता 8 वी ते 10 वी साठी स्वातंत्र्यलढ्यात गांधीजींचे योगदान, गांधीजींचे सत्याचे प्रयोग व मला समजलेले गांधीजी हे विषय होते. तर इयत्ता 11 व 12 वी साठी गांधी विचार आणि अहिंसा, गांधीजींचे ग्राम स्वावलंबाचे विचार व गांधी ते महात्मा हे तीन विषय होते. या निबंध स्पर्धेत चोपडा शहर आणि तालुक्यातील माध्यमिक आणि ज्युनिअर महाविद्यालयातील जवळपास दिडशे पेक्षा जास्त विद्यार्थ्यांनी सहभाग नोंदवला.
या निबंध स्पर्धेचे उद्घाटन ज्युनि. महाविद्यालयाचे उपप्राचार्य बी. एस. हडपे यांच्या हस्ते तर करोडपती माध्यमिक कन्या विद्यालयाचे मुख्याध्यापक देवीलाल बाविस्कर यांच्या हस्ते प्रतिमा पूजनाने करण्यात आले. यावेळी काँग्रेस सेलचे तालुका अध्यक्ष तथा ग. स. चे संचालक मंगेश भोईटे, अशोक साळुंखे, प्रा. शिरसाठ, एस. पी. पाटील, प्रा. बोरसे, एस. व्हि.पाटील व विविध माध्यमिक विद्यालयातून आलेले शिक्षक व्यासपीठावर उपस्थित होते. या निबंध स्पर्धेबाबत विद्यालयातील मुख्याध्यापक निळकंठ सोनवणे यांनी विद्यार्थ्यांना मार्गदर्शन करून स्पर्धेचे नियम समजविले. दुपारी बारा ते दोन वाजेदरम्यान ही स्पर्धा संपन्न झाली. स्पर्धा यशस्वीतेसाठी विजय सोनवणे, अशोक सोनवणे, अशोक साळुंखे, मुख्याध्यापक एन. एस. सोनवणे यांनी परिश्रम घेतले.
