लोकप्रवाह, पहुर दि. २२ – येथील तक्रारदार यांचा पेट्रोलपंपचा व्यवसाय आहे. पेट्रोलपंपावरील नोझल मशिनचे स्टॅम्पिंग करून सदर स्टॅम्पिंग प्रमाणपत्र देण्याच्या मोबदल्यात १ नोझल मशिन स्टॅम्पीगचे प्रत्येकी १५००/- रु. प्रमाणे ४ नोझल मशिनचे एकुण सहा हजार रुपये लाच घेतांना आलोसे. विवेक सोनु झरेकर, वय- 54 वर्षे, पद – निरीक्षक, वैद्यमापन शास्त्र विभाग, पाचोरा, जि.जळगाव वर्ग- २; रा. पुनगाव रोड, पाचोरा, ता. पाचोरा जि. जळगांव यांना लाचलुचपत प्रतिबंधक विभागाने लाच घेतांना रंगेहाथ अटक केली.
तक्रारदार हे पहुर येथील रहीवासी असून त्यांचा जय बालाजी पेट्रोलीयम नावाने पहुरमध्ये पेट्रोलपंप आहे. सदर पेट्रोलपंपावर ४ नोझल मशीन आहेत. तरी सदर नोझल मशिनचे स्टॅम्पिंग करून सदर स्टॅम्पिंग प्रमाणपत्र देण्याच्या मोबदल्यात १ नोझल मशिन स्टॅम्पीगचे प्रत्येकी १५००/- रु.प्रमाणे ४ नोझल मशिनचे शासकीय फि व्यतिरीक्त तक्रारदार यांचेकडे आलोसे यांनी पंचासमक्ष एकुण 6,000/- रुपये लाचेची मागणी केली व सदर मागणी केलेली लाच रक्कम आलोसे यांनी स्वतः पंचासमक्ष पहुर ते जळगाव रोडवरील हॉटेल अजिंक्य येथे स्वीकारली म्हणून गुन्हा दाखल करुन अटक करण्यात आली.
सदर कारवाई लाचलुचपत प्रतिबंधक विभाग, नाशिक परिक्षेत्र पोलीस अधीक्षक सुनिल कडासने, अप्पर पोलीस अधीक्षक एन.एस.न्याहळदे, वाचक पोलीस उपअधीक्षक नरेंद्र पवार यांच्या मार्गदर्शनाखाली व अँन्टी करप्शन ब्युरो, जळगांव पोलीस उपअधीक्षक शशिकांत एस.पाटील, पोलीस निरिक्षक एस.के.बच्छाव, पोलीस निरिक्षक एन. एन. जाधव यांच्या नेतृत्वाखाली पो.ना. ईश्वर धनगर, पो.कॉ. राकेश दुसाने, पो.कॉ. सचिन चाटे आदिंनी केली.
