लोकप्रवाह, जळगांव दि. २६ जाने. – माहिती अधिकारांर्तगत मागितलेली माहिती ही वेळेत न मिळाल्याने तक्रारदार यांना सदर माहिती देण्याच्या मोबदल्यात गारखेडा व बाभळे ग्रुप ग्रामपंचायतीचे ग्रामसेवक अनिल नारायण गायकवाड, वय – ५०, ग्रामसेवक, गारखेडा व बाभळे ग्रुप ग्रामपंचायत कार्यालय, ता.धरणगाव जि.जळगाव (वर्ग-३) रा. चहार्डी, ता.चोपडा जि .जळगाव यांनी तक्रारदार यांचेकडे पंचासमक्ष प्रथम ३,०००/- रुपये व तडजोडीअंती २,५००/- रुपये लाचेची मागणी करुन सदर मागणी केलेली लाच रक्कम धरणगाव – अमळनेर रोडवरील सिंधु ढाबा येथे पंचासमक्ष स्वतः स्विकारतांना रंगेहाथ पकडण्यात आले आहे.
याबाबत सविस्तर वृत्त असे की, तक्रारदार हे गारखेडा येथील रहीवासी असून त्यांनी गारखेडा व बाभळे ग्रुप ग्रामपंचायतीमधील ग्रामसेवक अनिल नारायण गायकवाड यांचेकडे सदर ग्रामपंचायतीमध्ये सन – २०१५ ते २०२० या कालावधी दरम्यान ग्रामपंचायत अंतर्गत झालेल्या विविध योजनांच्या कामाचे झालेले लेखापरीक्षण बाबतची माहिती ही माहितीच्या अधिकाराचा अर्ज करून मागितलेली होती. सदरची माहिती ही वेळेत न मिळाल्याने तक्रारदार यांना सदर माहिती देण्याच्या मोबदल्यात गारखेडा व बाभळे ग्रुप ग्रामपंचायतीचे ग्रामसेवक यांनी तक्रारदार यांचेकडे पंचासमक्ष प्रथम ३,०००/रुपये व तडजोडीअंती २,५००/-रुपये लाचेची मागणी करुन सदर लाच मागणी केलेली रक्कम धरणगाव अमळनेर रोडवरील सिंधु ढाबा येथे पंचासमक्ष स्वतः स्विकारतांना त्यांना रंगेहाथ पकडण्यात आले आहे. त्यांचेवर धरणगाव पोलीस स्टेशन येथे गुन्हा दाखल करण्यात येत आहे.
सदर कारवाई लाचलुचपत प्रतिबंधक विभाग, नाशिक परिक्षेत्र पोलीस अधीक्षक शर्मिष्ठा घारगे – वालावलकर, अप्पर पोलीस अधीक्षक एन. एस. न्याहाळदे, वाचक पोलीस उपअधीक्षक नरेंद्र पवार यांच्या मार्गदर्शनाखाली व लाचलुचपत प्रतिबंधक विभाग जळगांव पोलिस उपअधीक्षक शशिकांत पाटील, पोलीस निरिक्षक संजोग बच्छाव यांच्या नेतृत्वाखाली पोलीस निरिक्षक एन. एन. जाधव, पोना. बाळू मराठे, पोना. ईश्वर धनगर, सफौ. दिनेशसिंग पाटील, सफौ. सुरेश पाटील, पोहेकॉ. सुनिल पाटील, पोहेकॉ. रविंद्र घुगे, मपोहेकॉ. शैला धनगर, पोना. जनार्धन चौधरी, पोना. किशोर महाजन, पोना. सुनिल वानखेडे, पोकॉ. प्रदीप पोळ, पोकॉ. सचिन चाटे, पोकॉ. राकेश दुसाने, पोकॉ. प्रणेश ठाकुर, पोकॉ. अमोल सुर्यवंशी आदिंनी केली.
