लोकप्रवाह, चोपडा दि. १८ फेब्रु. (संदिप ओली): महाराष्ट्रात येत्या सोमवार दिनांक 20 फेब्रुवारी पासून महाराष्ट्र राज्य अंगणवाडी कर्मचारी संघटना कृती समिती तर्फे राज्यव्यापी संपाची हाक देण्यात आली आहे. जळगाव जिल्ह्यातही संपाची जोरदार तयारी सुरू आहे, अशी माहिती महाराष्ट्र राज्य आयटकचे राज्य उपाध्यक्ष कॉ. अमृत महाजन यांनी प्रसिद्ध केलेल्या पत्रकात म्हटले आहे.
यामध्ये अंगणवाडी सेविकांच्या मागण्यांवर गेल्या चार ते पाच महिन्यांपासून मुख्यमंत्री एकनाथ शिंदे, महिला व बालविकास मंत्री मंगलप्रभात लोढा, संबंधित खात्याचे आयुक्त व सचिव यांच्याशी चर्चा सुरू आहे मात्र प्रत्येकवेळी केवळ आश्वासन मिळाले. मानधन वाढ व इतर काही मागण्यांवर सरकार सकारात्मक असून दिलासादायक निर्णय घेऊ, अशी आश्वासने देण्यात आली. त्यासाठी अनेक मुदतीही दिल्या गेल्या मात्र आश्वासने पोकळ निघालीत. अंगणवाडीच्या मोबाईलची वॉरंटी गॅरंटी संपलेली असून अंगणवाडी सेविका स्वतःचे मोबाईल वापरत आहेत. दुरस्तीसाठी हजारो रुपये पदरमोड करुन खर्च केले तेही दिले नाहीत. मोबाईल वापसी मोहीम देखील चालू आहे, परंतु तो मोबाईल काही बदलून दिलेला नाही. ५ वर्षापासून मानधन वाढ नाहीं. ४ ते ५ वर्षापासून सेवानिवृत्त झालेल्या सेविका व मदतनीस यांना अनुक्रमे १ लाख व ७५००० रुपये सेवानिवृत्ती लाभ दिलेला नाही. अंगणवाडी सेविकांच्या भरपूर जागा रिक्त आहेत, विभागातील कर्मचारी व अधिकारी यांच्या जागा सुद्धा रिक्त आहेत. अंगणवाडी सेविकांना शासकीय कर्मचारीच्या दर्जा दिला जात नाही. त्याचप्रमाणे मोबाईल हाताळणी प्रोत्साहन भत्ता कमी असून, सर्वांवर कामाचा ताण वाढत आहे. अशा काही प्रमुख मागण्यांवर वेळोवेळी चर्चा करूनही निर्णय न झाल्याने नाईलाजास्तव कृती समितीला संपाचा निर्णय घ्यावा लागला असे काॕ. महाजन यांनी म्हटले आहे.
या संप काळात अंगणवाडीचे सर्व कामकाज बंद राहणार असून, खाऊवाटप अहवाल देणे, आरोग्य खात्यापासून सर्वांना माहिती देणे, हे सर्व बंद राहणार आहे. सरकार जोपर्यंत कर्मचाऱ्यांच्या मागण्याबाबत निर्णय घेत नाही. तोपर्यंत हा लढा सुरूच ठेवण्याचा निर्धार कृती समितीने केला आहे. जळगाव जिल्ह्यात अंगणवाडी व बालवाडी कर्मचारी युनियन ही कृती समितीची मुख्य संघटना असून आहे. त्यांच्या नेतृत्वाखाली ग्रामीण आदिवासी, नागरी प्रकल्प, मिनी अंगणवाडी व केंद्रे यामधील आयटक नेतृत्वाखालील ३००० सेविका व मदतनीस या बेमुदत संपात सहभागी होणार आहेत. त्या दृष्टिकोनातून संपाची जळगाव जिल्ह्यामध्ये जोरदार तयारी सुरु आहे. असे कॉ. अमृत महाजन यांनी कळविले.
याकरीता काॕ. अमृत महाजन यांचेसह काॕ. ममता महाजन, वत्सला पाटील, निलीमा पाटील, पुष्पा राजपूत, चंद्रकला चिंचोरे, प्रेमलता पाटील, सुमित्रा बोरसे, नंदा वाणी, भारती पाटील, सूनंदा पाटील, सिमा बागड, लता पाटील, सूलेखा पाटील, रंजना पाटील, चित्रा वारे, अश्विनी देशमुख, सूलक्षणा पाटील, मिना काटोले, उषा पाटील, पुष्पा मोरे, अंजना माळी, मंगला माळी, संगीता पाटील, ज्योती पाटिल, प्रतिभा पाटील, नुरूनीसा हिफाजत अली, फातेमा बी, लक्ष्मी वानखेडे, उषा भालेराव, वंदना कंखरे, रिता तायडे, रेखा अहिरे, रंजना मराठे, अशहर खान, छाया चित्ते, राधा पाटील, मिना तडवी, गूफ्त्यार तडवी, कवीता वारे, सूनंदा तायडे, विमल नेहते (वरणगाव) रोहिणी सूरवाडे (किन्ही), हिराबाई पाटील आदिंसह शेकडो भगीनी अथक परिश्रम घेत आहेत असे पत्रकात नमूद करण्यात आले आहे.
